Xanana Gusmão Prekupa ho Soberania Tasi Timor, Formasaun Sétimu Governo Konstitusional lao hanesan Lenuk

Hakerek Nain: Amito Qonusere Araújo, hela fatin foho Aldeia Tchai, Suco Lore I Postu Administrativu Lospalos-Lautem. Numeru kontaktu +67077639282 Email amitortl@gmail.

0
279

Aka Timor (Opiniau) – Líder Karismátiku Kay Rala Xanana Gusmão prekupa tebes ba Soberania Tasi Timor entre Governo Austrália no Indonézia. Kay Rala Xanana Gusmão hanesan Líder ida nebeé nunka hateten ninia kolen, maski tinan hatudu katuas, maibe espiritu Nasionalista hareé hanesan Foin Saé nebeé hakarak lori Timor Leste ba Nasaun nebeé soberanu tebes iha Mundu.

Nuúdar joven sidadaun ba Rai neé nian, iha Espírito konfiansa ho Orasaun tomak ba Líder Istóriku hanesan Kay Rala Xanana Gusmão nebeé Luta tan ba Frontéira Marítima no Terrestre ho Governo Indonézia, hafoin Luta boót ida hasoru Governo Australia remata ho rejultadu nebeé fo satisfasaun ba Povo no Nasaun, liu-liu joven futuru Nasaun.

Maski ita hotu hatene Luta Soberania Marítima no Terrestre laos buat fasil, maibe Kay Rala Xanana Gusmão esforsu atinji duni mehi Povo nian. Maibe tamba sa mak Líder sira seluk iha rai laran Forma deit Governo mos tarde no lao kleur hanesan Lenuk?? Ezame konsiensia ba Ita hotu.

Serake formasaun Governo neé susar tebes kompara ho Luta nebeé Avo Nana halo hasoru Governo Australia, no agora tenke halai fali ba Indonézia ho assuntus nebeé hanesan. Hau nuúdar Sidadaun ida prekupa tebes ho drama Pólitika rai laran nebeé presija tempu kleur.

Situasaun Pólitika rai laran konfunde deit Povo Timor Leste nia konfiansa ba Partido nebeé hetan asentu Parlamentar. Konfiansa Povo neneik ba bebeik, mihis dadaun ba Líder Partido Pólitiku sira nebeé kompromete iha Eleisaun, maibe la ho rejultadu. Nota katak forma deit Governu tarde ona ka hadau malu Kadiera, kestiona mos kapasidade jere Ministériu ka halo Pólitika Internasional ba Interesse Estado!!!

Hau nia pensamentu deit katak, Formasaun Sétimu Governu Konstitusional laos Governasaun ba Dezenvolvimentu, maibe Governasaun poder ka hadau malu kadeira Governasaun, atu atinji programa Pólitika Partido nian duke tau áas interesse Nasional.

Ita koalia kona ba Interesse Nasional, Sétimu Governo Konstitusional forma ona, no Pólitika Governasaun ba Dezenvolvimentu Nasional lao ka implementa ona.

Nuúdar sidadaun hamosu hanoin barak katak, formasaun Governo posibilidade hein Avo Nana, tamba deskonfia Matebian no Rai Nain, Lulik sira hotu iha Timor la fo fatin ba Líder sira swluk atu foti desijaun ba distiñu Eatado nian, tamba neé bele impede Pólitika Rai laran hodi hein Avo Nana fila husi Luta boót mak bele desidi. Ida neé hanoin deit tuir kultura, hotu-hotu bele hanoin.

Lian naín balun nia prediksaun katak, Formasaun sétimu Governu Konstitusional tarde tamba Naín ba ida neé, Maun Boót Kay Rala Xanana Gusmão seidauk fila husi Luta ba Soberanía Timor Leste ho Nasaun jigante sira seidauk remata, matebian no Rai Lulik Timor la fo fatin no impede deit Líder Partido sira nia ambisaun ba Poder iha Governasaun.

Maibe prediksaun neé bele loós no sala, maibe ida neé mak karaktéristiku Kultura ka Nain ba buat ida . Tamba Rai nain sira, matebian no Lulik la mosu iha ita nia oin, maibe sira akompaña ita nia prosesu hotu ba Nasaun no Povo nia distiñu. Susar tebes atu halo komparasaun maibe ida neé mak realidade akontese iha Timor Leste nuúdar Nasaun Tera Santa, Lulik no atribui ho Kultura oi-oin ba moris Povo nian.

LEAVE A REPLY