Xanana Gusmão la kolen iha Tasi Sorin

Hakerek Naín: Amito Qonusere Araújo, hela fatin Tchai-Lore I Postu Lospalos Municipiu Lautem. Numeru Kontaktu +67077639282

0
362

AQA TIMOR – Opiniaun neé la hanesan espresaun ida husi Joven nebeé hela iha Rai Izoladu, Lore I iha Postu Lospalos. Opiniaun la mos la haliís ka interesse ba Partido.

Povo Timor Leste hakat tan passu ida manan Soberania Tasi husi Governu Australia. Ida neé hanesan istória ida iha Mundu, iha nebeé Nasaun kiík ida manan husi boót ida hanesan Australia. Buat sira neé hotu tamba konspirasaun Pólitika Kay Rala Xanana Gusmão. Situasaun ida neé admirante oituan, ema hotu hakfodak, maibe ida neé kapasidade nebeé Kay Rala Xanana Gusmão halo durante nia peregrinasaun iha Rai Liur.

Kay Rala Xanana Gusmão, Nia Líder Patriotíku, Nasionalista ba Povo Maubere tamba Nia mak kontinuador.no renovador ba prosesu hotu-hotu Timor nian. Nia nuúdar kontinuador ba Funu Libertasaun Nasional depois Presidente Nicolau Lobato mate. Iha prosesu neé, Kay Rala Xanana Gusmão sai Comandante em Chefi hodi re-Organiza Funu toó Timor Leste moris nakukun sai Naroman. Altura nebaá Nasoens Unidas (ONU) rekoñese Timor Leste nuúdar Nasaun RDTL.

Iha prosesu hotu-hotu durante Ukun Áan, Kay Rala Xanana Gusmão nafatin iha Espirítu Nasionalismu hodi Organiza nafain prosesh Dezenvolvimentu ho sustentavel ba moris diak Povo Maubere. Nia rekoñese Povo Maubere nia Luta, no nunka mais atu nega Povo Mauberr nebeé haterus áan iha Funu hamutuk ho Nia iha udan, anin, loron Manas nia laran. Dignifikasaun ida neé mak Lori Kay Rala Xanana Gusmão sai líder Karismátiku entre Lider sira seluk, ho Lia fuan dehan “Lain dari Pada yang lain” tamba Luta dala ida tan ba Soberania Timor Leste.

Iha loron 06 fulan Março 2018, Organizasaun Nasoens Unidas (ONU) sai sasin ba Timor Leste nia Vitória iha Soberania Tasi Timor ho Nasaun boót Australia, tamba konsege defini Fronteira Marítima ho justu no Loós, maski prosesu naruk hasoru tentasaun oi-oin hodi impede ba Vitória neé.

Nasaun sira iha Mundu deklara katak, Povo Maubere Timor Leste tenke orgulho tamba iha Líder ida hanesan Kay Rala Xanana Gusmão, Lider ida nebeé mak brani hasoru Nasaun Riku no matenek, hodi defini delimitasaun Fronteira Marítima ho dignu.

Kay Rala Xanana Gusmão, Éroi ida nebeé nunka kolen no konta nia Kontribuisau ba Povo Timor Leste durante prosesu Luta ba Ukun Rasik Áan no Luta ba Soberania sira. Iha Tempu Luta nia sulan iha Prijaun Cipinang-Indonesia, fila hikas mai iha tempu Ukun Rasik Áan ho valor, no kontinua halo peregrinasaun iha Rai liur durante fulan hirak nia laran, fila mai ho Rejultadu Pozitivu ba Delimitasaun Fronteira Marítima. Ida neé mak Kay Rala Xanana Gusmão halo ona ba Ninia Povo Maubere no Nasaun RDTL. Nia mak hadomi duni no hakarak tane áas Povo nia dignidade iha Komunidade Internasional nia matan.

Parabéns Kay Rala Xanana Gusmão

LEAVE A REPLY