Refleksaun: Feto mak huún ba Lia Loós

0
215

AQA TIMOR – Ohin Ó nia loron. Loron atu dignifika no Konsidera Ó. Loron hodi tane, tan Ó mak hatuúr moris iha Mundu neé.
Fulan 9 nia laran, Ó hasaran áan Anju oan ida iha Knotak, senti todan maibe la dehan sai toó kous Labarik ida.
Ó feto brani, saran áan ba mate, iha situasaun difisil nia laran. Nunka hakiduk, brani hasoru tentasaun maski todan.
Nuúdar oan husi Inan, apresia no Orgulho tamba bele konsidera Ó nuúdar Feto nebeé kuidadu Hau toó agora. Ó nia domin la iha rohan, ida neé mak Feto ida nebeé ita tenke agradese no tane Nia atu sai Ema ida iha Dignidade no válor moris iha Mundu neé.
Feto mak Naín ba buat hotu-hotu, feto mak huún no abut ba moris neé. Tan Feto ita bele koñese Mundu. Feto hanesan mos salvasaun moris, tamba bele asegura buat hotu-hotu iha Sosiedade, Família no Nasaun tamba Feto mak hatuúr Lia Loós. Dalaruma Feto sai Vítima, laos tamba atitude ka hahalok, maibe tamba situasaun no kondisaun no responsabilidade ba sira hamiís vontade nuúdar Úmanu.
Ohin Loron Feto, Timor oan hotu tenke hakruúk no agradese ba Feto sira nebeé hasaran áan nia isin, nia familia ba Lia Loós, ba interese Estado no ba interese Úmanu nia. Sira nia Luta Kontribui mos ba Prosesu hotu Ukun Rasik Áan.
Feto sai Lian ba Lian laek sira, Feto sai matadalan ida beé seidauk hetan, Feto mak Liurai Mundu nian, tan sira mak bele tahan todan hotu nebeé sira infrenta ba Sosiedade nia Diak, familia no Nasaun.
Parabéns ba Mama
Parabéns ba Feton sira.
Parabéns ba Doben QR
Parabéns ba Feto Timor
Parabéns ba Feto sira iha Mundu

LEAVE A REPLY