Puizia “HÁRIN NERE, LUTA NAÍN”

Hakerek Naín: Albina Marçal Freitas/Bia Shana Falu. Deputada Parlamento Nacional

0
645

AQA TIMOR – Dedika ba ha’u nia maun bo’ot HÁRIN NERE,lian fataluku naran nia sentidu “foho matebian haleu ho forsa TNI,maibe ami nia grupu ne’ebe tenta atu ba CASCOL,maibe la konsege ba,no fila iha dalan klaran hodi sikat le’et postu TNI hodi to’o Ko’oleu,nune’e maun nia naran kodigu Harin Nere”

Maun bo’ot Hárin Nere
Ami la haluha Maun
Naran Hárin Nere
Tan hakur foho tutun

Ò mate tan rai doben
Ó lakon tan rai lulik
Timor Leste rai doben
Fakar ran tan ó Timor

Hárin ó nia ran fakar
Tan deit ò nia rai lulik
Maun Hárin ami fiar
Ó klamar hare’e ami

Hárin Maun!! Nai
Ami fuan moras tebes
Maun la’o hadalas rai
Ho ai tonka tan ain kanek

Hárin Nere maun
Ain tur kanek tan kilat musan
La’o hadaek maun
Tan simu ordem

Simu ordem husi CMD
La’o husi Ponta Leste
To’o Centro tan CMD
La’a hadaek maun

Ikus mai maun mate
Husik isin dulak lerek
Iha rai Laline laiha rate
Husik Epy,Lola ho Nené

Husik sobriñu sira
Iha ema nia liman
Maun hare’e sira
Maski maun laiha ona

(Akontesimentu serku anikilamentu iha rai Laline iha 7 Setembru 1981)

LEAVE A REPLY