Foto: Wikipedia.

AQA Timor (DILI) – Xefi Estado Fransisco Guterres Lú-Olo hatoó Parabéns ba Programa no Informasaun nebeé transmite ona iha Radio no Televizaun Timor Leste Empreza Públco durante neé.

Deklarasaun ofisial neé, hatoó liu husi Xefi Casa Sivil Francisco de vas Conselhos iha serimonia Atribuisaun Karteira Profesional ba Jornalista sira iha Salaun Delta Nova Kuarta-Feira Orseik (20/12/2017).

          “ Xefi Estado louva ho Programa no Informasaun nebeé RTTL, EP promove tamba bele transmite istória sidadaun sira nian, kazu sidaun moras, hela fatin la diak, saneamentu inklui nutrisaun nebeé la iha ”, Casa Sivil Prezidente República haktuir.

Husi Publikasaun hirak neé konsege muda Públiku nia hanoin hodi hasae vontade atu bele halo mudansa ba moris sosiedade nian.

Aliened neé, Xefi Estado mos Agradese Konselhu Imprensa nia esforsu hodi implementa Lei Komunikasaun Sosial nuúdar Lejislasaun ba Orgaun Komunikasaun social.

Francisco Guterres Lu-Olo husu ba Jornalista sira atu kontinua Luta atu halo kampaña ba prinsipiu no valores hodi ajuda Públiku ba Dezenvolvimentu Nasional.

Entertantu Konselhu Imprensa (KI) Timor Leste atribui Karteira Profesional ba Jornalista Nasional nain 216 inklui Jornalista Internasional sira nebeé mate iha Funu Libertasaun Nasional durante Okupasaun Indonezia.

LEAVE A REPLY