POLRI Denpasar entrega Fujitivu Juga Gama ba PNTL

0
140

Aka Timor (DILI) – Polisia Repúblika Indonesia Provinsia Denpasar (Bali) kaptura ona Fujitivu Juga Frans Xavier Sousa Gama iha loron (28/10/2017) iha Nia hela fatin Tukad Baduna, Denpasar Bali Indonezia.

Durante neé, Fujitivu Juga Gama servisu iha Portu Benoa Dempasar nuúdar trabalhador. Polisia Repúblika Indonezia halo serku ba Fujitivu neé hafoin hetan informasaun husi Autoridade Polisia Nasional Timor Leste.

Tuir relatóriu, Fujitivu neé hamutuk ho ninia Namorada husi Indonezia nebeé sei kaben iha tempu besik. Juga Gama tama iha territoriu Indonezia liu husi fronteira Terrestre. Informasaun detalhu kona ba Fujitivu neé, autoridade Polisia República Indonezia simu direitamentu husi Director Intelijensia Polisia Nasional Timor Leste Superintendenti Xefi Jose Maria Neto Mok.

Iha tinan 2013, Tribunal aplika sentensa ba Fujitivu Juga Gama tamba involve iha kazu Narkótika ho tipu sabu-sabu 500 Kilograma.

Durante tinan 4, Polisai Nasional Timor Leste buka tuir ninia paradeiru hafoin halai sai husi Prijaun Becora iha loron 3 fulan Novembro tinan 2013.

Hafoin toó iha Aeroportu Internasional Nicolau Lobato Comoro, Fujitivu Juga Gama tuun ho Aviaun Sriwijaya nebeé akompaña husi Autoridade Intelijensia Polisia Nasional Timor Leste, nebeé simu direitamente husi Polisia Seksaun Servisu Investigasaun Kriminal Nasional PNTL, nebeé akompaña husi Ministro Defeza no Seguransa Jose Agustinho Xomotcho no Segundu Komandante Geral Polisia Komisariu Faustino da Costa no seluk tan.

Fujitivu Juga Gama transporta kedan mai iha Edifisu Komando Geral Polisia Kaikoli hodi hein prosesu investigasaun ba kazu halai sai husi prijaun tinan tolu liu ba.

Tuir informasan, Fujitivu Juga Gama sei julga ba ninia kazu iha Sábado (04/11/2017) iha Tribunal Distrital Dili iha tuku 10 ho balun oras Timor Leste.

LEAVE A REPLY