Jornalista Nasional sira hasai Foto hamutuk ho Secretario Estado Conselho Ministro no Comunicação Social Matías Boavida hafoin simu Karteira Profesional nebeé husi Konselhu Imprensa (KI) Timor Leste. Foto: Zezito Zemacar Latu Titilary

AQA Timor (DILI) – Partido Opozisaun iha Parlamentu Nasional hanesan CNRT, PLP no KHUNTO fo Parabéns ba Jornalista Profesional sira nebeé simu karteira Profesional husi Konselhu Imprensa (KI) Timor Leste.

Mensajen neé hatoó husi Xefi Bankada PLP Fidelis Magalhaens iha Konferensia Imprensa Kuarta-Feira (20/12/2017) liu husi Konferensia Imprensa Opozisaun Parlamentar kona ba Votasaun Proposta Lei Orsamentu Ratifikativu, iha Sala Bancada CNRT.

Iha abertura konferensia Imprensa, Xefi Bancada PLP Fidelis Magalhaens hateten, Partido Opozisaun Parlamentar deseja Jornalista Profesional sira.

          “ ami deseja atu halo imi nia knaár diak liu tan hodi servi ita nia nasaun ”, Hateten Fidelis.

Nia haktuir tan, Jornalista mos sai hanesan Reprejentate Povo hodi hatoó informasaun. Liu husi Knaár Jornalista, hodi hatoó informasaun ba Povo tomak hodi hatene, no sai Lian ba Lian Laek sira.

Entertantu Konselhu Imprensa (KI) Timor Leste atribui Karteira Profesional ba Jornalista sira nain 216 husi Mídia Eletróniku no Imprimi nebeé ejisti iha Timor Leste, inklui rekoñese Jornalista Estranjeiru nebeé halaó knaár Jurnalismu nian iha Prosesu Luta ba Ukun Rasik Áan.

LEAVE A REPLY