Nomeiasaun Presidente PTR foun aktu la Normal

0
254

DEKLARACAO POLITICA DA BANCADA PARLAMENTAR DA FRETILIN EM RELACAO A NOMEACAO DO PRESIDENTE DO TRIBUNAL DE RECURSO E PROCURADOR GERAL DA REPUBLICA
Dili, 2 de Maio 2017

Sr. Presidente,
Caros colegas deputados,

Sa ida maka ita rona, ita assiti iha semana ida liu ba, mak noticia bot konaba Presidente da Republica (PR) halo nomeação no fo posse ba Presidente Tribunal de Recurso (PTR) no reconduz Procurador Geral da Republica(PGR), iha tempu ida menus de fulan ida atu ramata nia mandatu nudar PR, ou seja iha período transição hosi presidente tuan ba presidente foun.
Ne’e aktu ida ne’ebe la normal, no viola Constituição da República no lei em vigor. Aktu ida ne’e mos nakonu ho konflitu de interesse entre interesse atu assegura funsionamentu instituisaun estadu, ho interesse politika privadu, no interesse politika partidária, iha kazu ne’e hau temi PLP (Partido Libertacao do Povo), partido ne’ebe lidera hosi atual PR, partido ne’ebe iha ambisaun no halo campanha maka’as atu manan eleisaun parlamentar.

Aktu politiku hosi chefe estadu ida ne’e duni, mak preocupa Bancada FRETILIN, hanesan mos preocupa publiku tomak, preocupa ita hotu iha uma fukun ida ne’e.

Iha Declaracao Polçitica ida ne’e, ami la questiona Sua Excelencia Sr. PR atu nomeia see deit, ou atu fo posse ba A ka B, maibe, dala ida tan, ami kestiona aktu no prosesu oin saa maka halo nomeasaun ne’e.

Sr. Presidente,
Distintos Deputados,

PTR Sr. Guilhermino, ne’ebe hetan nomeasaun hosi aktual PR iha 2014, hetan moras stroke iha Dezembro 2015, nune’e ba halo tratamento iha Singapura durante fulan 6 liu. Fila Timor iha fulan Junho 2016, maibe nia seidauk konsege rekupera, no mediku sira, hanesan hatudu iha atestadu mediku ne’ebe haruka ba Concelho Superior Magistrado Judicial (CSMJ), ne’ebe hatete katak, nia labele halo servisu. Maibe Sr Guilhermino obriga’an ba servisu ho deit kadeira roda, maske loron ida servisu maximu horas rua deit. Situasaun hanesan ne’e lao, to’o nia hatama resignasaun iha meadus de Abril 2017.

Fizikamente, Sr Guilhermino nia situasaun ne’e tama ona inkapasidade permanente, no situasaun ida ne’e afeta tetebes ba funsionamentu normal tribunais nian liu-liu intituisaun Tribunal de Recurso. PR, se nia iha sensibilidade ba situasaun ida ne’e, devia uza nia kompetensia konstitusional ne’ebe iha, troka tiha kleur ona PTR.
Maibe, tanba sa foin agora iha fulan Abril nia laran, maka Sr. PR husu ba Sr Guilhermino atu hatama nia resignasaun, no halo kedas nomeasaun ba PTR foun??
Enquanto nia mandato nudar PR, la to’o ona fulan atu remata, ka sura deit ona loron atu PR foun hola posse. Iha estadu Timor-Leste, ita iha ka lae etica politika institucional ???
Ba ami Bancada FRETILIN, ida ne’e hatudu deskonsiderasaun bot ba PR eleitu, no deskonsiderasaun mos ba Parlamento Nacional (PN) ida ne’e, tanba nomeasaun la submete mai atu hetan ratificação !!!

Sr. Presidente Parlamento Nacional,

Estadu tomak preocupa ho Seitor justiça, liu-liu ita nia sistema justisa ne’ebe ita sempre refere ba tribunais no juiz sira. Sua Excelencia Sr PR mos preokupa, hanesan nia hatete ona iha nia discurso hirak ne’ebe halo ona iha Parlamento Nacional ida ne’e duni. Tanba preokupasaun ne’e duni maka, tribunal sira ho apoiu Governo nian halao dadaun ona inspesaun ka avaliasaun ba juízes hotu, inklui mos juízes Tribunal de Recurso, avaliasaun ne’ebe halo husi juízes inspetores husi Portugal, ne’ebe hahu’u tiha ona iha fulan rua liu ba. Avaliasaun ne’e maka sei hare kualidade juis sira nian no sei determina juis sira nia classe ka nivel.

Sr. PR, de serteza, hatene programa ida ne’e. Tanba ne’e, atu halo nomeasaun ba PTR foun, se PR iha nosaun oin sa hadia sistema justisa no hadia kualidade instituisaun tribunais nian, devia Sr. PR hein resultado avaliasaun ida ne’e iha tiha lai, maka halo nomeasaun ba PTR foun. La devia lalais, ou seja, la ho ansia demais atu halo nomeasaun ba kargu inportantisimu hanesan ne’e, hanesan fali ita atu halo guerrilha iha instituisoens estadu nia laran.

Caros colegas Deputado sira,

Mai ita hare didiak!!

Resignasaun no nomeasaun PTR foun koinsidi los kedas ho PGR Dr. Jose Ximenes, ne’ebe uluk iha 2013 aktual PR mak nomeia, nian mandatu mos ramata iha meadus de Abril 2017.

Tuir lei Estatuto Ministerio Publico nian, katak PR mak nomeia PGR depois de rona Governo. Maibe PR reconduz kedas PGR tuan no fo posse hamutuk ho PTR, sem rona governu nia opiniaun ka proposta ruma hosi Governo. Lalais deit, no latuir lei!! Tanba sa??

Bele mos, tanba Eleicoes Legislativas, maibe faktu mak ne’e: Excelencia Sr. PR seidauk decreta data eleisaun legislativas, nune’e ita seidauk hatene bainhira maka atu halo eleisaun ne’e. PR sei haruka diploma konaba lei eleitoral PN nian ba Tribunal de Recurso , no hein hela akordaun ruma husi ne’eba. Tanba sa PR la decreta uluk data eleisaun tuir atual lei eleitoral PN nian?

Quanto mais kleur, diak liu ba Partido Politico sira sei atu hetan tempo barak liu tan atu prepara’an diak liu ba eleisaun, maibe Konsekuensia ne’be sei akontese mak ne’e, Eleisoens legislativas sei atraza, ke ne’e afeta ba siklu normal instituicoens estadu nian balu hanesan PN no governu.

Sr. Presidente,
Kolegas Deputadu sira,

Hare ba, cronologia, faktus no informasaun hirak ne’e hotu, la
iha duvida katak PR nia nomeasaun ba PTR no recondução PGR ne’e, halo ho motivasaun politika ba nia interesse rasik. Ita hotu, publiku tomak, sei hanoin saída mak Sua excelência Sr. PR rasik hatete ona ba publiku iha jornais bainhira hatan ba jornalista sira konaba veta ou la veta lei pensaun vitalícia, nune’e: “mandatu besik hotu ona ne’e ita halo lai permainan itoan”.

Sr. Presidente,
Distintus deputadus,

Acto PR halo nomeação ba PTR ne’e, sai estranho liu tan tanba latuir rekizitus konstitusionais, ou seja, ignora competência Parlamento Nacional atu halo ratificação ba nomeação ne’e antes halo emposamentu tuir artigu 95 nº 3 al) a Constituicao da Republica.

Iha organização do poder político, Timor-Leste kaer ba prinsipiu separação de poderes hanesan hatete ona iha artigu 69 Constituicao da Republica: “ Os órgãos de soberania, nas suas relações reciprocas e no exercício das suas funções, observam o principio da separação e interdependência dos poderes estabelecidos na constituição”.
Katak, hosi perpetiva orgânica, poder sira ne’e separa duni tuir órgão do estado sira ida-idak, ne’ebe iha relação ba malu no kontrola malu (checks and balance). Separacao, laos deit fahe poder ba malu maibe mos separação konaba fiuncoes (política, legislativa, administrativa no jurisdicional) ne’ebe estadu desempenha.
Ilustrasaun konaba prinsipiu separasaun ho interdependência entre órgãos da soberania ida ne’e duni, liu-liu entre PR, PN no Tribunais, mak hanesan dadauk iha kazu nomeação ida ne’e, iha hotu ona iha Constituicao da Republica. Tribunais mak iha função atu halo kontrolu jurisdicional konaba accao órgãos da soberania sira seluk PR no PN nian, PR mak nomeia Presidente Supremu Tribunal de Justica, maibe PN tenke ratifica nomeasaun ne’e.

Tuir artigu 86 al) j Contituicao, PR mak nomeia Presidente Supremo Tribunal de Justica (STJ) no fo posse ba Presidente Tribunal Superior Administrativo, Fiscal e de Contas. Atu hatete katak, iha norma ida ne’e, koalia konaba atu fo posse deit ba Presidente Tribunal Superior Administrativo, Fiscal e de Contas, ho nune’e, ba Presidente Supremo Tribunal de Justica mos, PR so bele nomeia deit. Signifika que nomeação ba STJ ne’e tenke apresenta ba PN atu hetan ratificação tuir artigo 95 nº 3 al) a.
Ne’e duni, PR so bele fo posse ba Presidente STJ wainhira hetan ona ratificação hosi PN. Se laos hanesan ne’e, aktu ne’ebe PR halo latuir ona regras no prosedimentus formais ene’ebe estabelese ona iha Contituicao da Republica, ho konsekuensia katak aktu ne’e nulo.

Los duni, iha artigo 110 Lei konaba Estatuto dos Magistrados Judiciais, la hatete konaba ratificação hosi parlamento. Maibe, la iha dalan seluk, katak tenke ho ratificação hosi PN ba nomeação PTR, uma vez artigo 164 nº2 CR, no artigo 110 nº 1 Estatuto dos Magistrados Judiciais rasik, hatete momos ona, katak poderes no funções de controlo jurisdicionais, no competência própria e contitucional STJ nian, TR mak exerce.

Nune’e, tenke cumpri duni egigencias constitucionais hotu ba cargo STJ ne’ebe actualmente desempenha hosi PTR, nudar instancia judicial máxima iha Timor-leste. Katak, dala uluk nomeação, tuir mak ratificação, no ikus empoçamento so bele halo depois de ratificação. Se laos hanesan ne’e, aktu ne’e nulu, por falta de formalismo hirak ne’ebe temi tiha iha leten.

Sr. Presidente,

Ho razaun hirak ne’e hotu, tantu razaun politika nune’e mos juridiku konstitusional ne’ebe koalia tiha ona ne’e, Bancada FRETILIN husu Parlamento Nacional, atu exerce kompetensia konstitusional no hola posição politika atu la ratifica nomesaun ba PTR. Bancada FRETILIN mos husu ba PR eleitu Dr. Francisco Guterres “Lu-Olo”, atu ignora nomeasaun ba PTR no PGR, no halo rasik nia desizaun politika konaba matéria ida ne’e, wainhira assumi ona nia kargu nudar PR.

Obrigado!

LEAVE A REPLY