Lalaok “Juvenil Deliquency”

0
143

Husi : Amito Qonusere Araujo

REFLEKSAUN – Ema hotu-hotu iha ninia istória. Istória midar no moruk. Istória nebeé nakonu ho inspirasaun. Rejultadu ikus tenke iha Istória nebeé loós ba Humanu Rasional, maibe Istória mos hatudu indikasaun la duún diak. Importante mak Labele sukit ka koalia sai Istória nebeé tuir lolos labele hateten iha Era ida neé. Wainhira ita sukit ka lembra fila fali Istória passadu nebeé nakonu ho aktus “Juvenil Deliquency” bele akontese dala ida tan iha Era ida neé, tamba Humanu kuandu la kontrola áan diak.

Sira beé la iha istória “Juvenil Deliquency”, buúdar umanu tenke komprende sira nia involvimentu maski sira nia pájina moris hakat dadauk ba Idade Avansadu ka harií uma kain. Neé mais komplikadu liu kuandu la iha motivasaun ka kontrolu nebeé diak, mais depende mos ba ambiente moris.

Ema ida-idak iha ninia karakter rasik, moris Ema ida-idak iha ninia karakter rasik, moris iha situasaun ida nebeé tuir tempu.

Iha Istória ida nebeé Hau konsege leé iha Novel ida dehan:

“Iha tempu ida Mane oan (Filipus) neé Inosenti loós. Durante tinan 15 Nia hela iha Kongregasaun Salesiano Dom Bosco iha Indonezia.

Filipus ninia tempu Joven, estuda buat barak kona ba Moris, oinsa hakraik áan, respeitu ema no seluk tan. Filipus ninia tárjetu moris hakarak Sai Nai Lulik. Maibe mehi neé mout iha dalan klaran tamba Ninia distiñu moris. Depois nia sai husi Kongregasaun, nia hela iha Knua ida nebeé moris iha Hakmatek. Nia hatudu ninia atitude Hakraik Áan, Respeitu, hatudu simplesidade nuúdar ema Salesiano ida maski mehi Mout la Sia Nai Lulik. Maski nuneé Nia iha koñesimentu klean, nia hetan kedan servisu nuúdar Trabalhador iha Empreza ida nebeé boót tebes iha Sidade neé.

Iha ninia servisu fatin, hetan kargu diak, salariu nebeé sufisiente bele nesesita ninia nesesidade. Ninia familia kontenti maski la tuir dalan Igreja nian, mais bele halo knaár seluk tamba ho Graça nebeé Nia hetan. Nia moris iha komunidade no Familia nia leét toó ona tinan 6. Nia senti kontenti ba moris neé ho knaár nebeé Nia hetan. Ninia familis mos husu feto ida atu kazamentu nuúdar feén ho laen tuir sira nia kultura, Nia simu situasaun sira neé, no ikus mai Nia iha oan 3.

Derepenti deit Ninia hanoin muda áan ba situasaun seluk. Nia hahuú ransu ho Joven sira seluk, hemu, partisipa Festa no seluk tan. Filipus halo tinan 30, iha ona feén kaben no oan 3. Maibe ninia ransu ho Joven sira, nuúdar buat foun iha ninia moris. Nia kontenti tebes ransu ho Joven sira, no Nia gosta tebes atu espresa ninia sentimentu.

Hahuú husi tempu nebeé lao, Filipus ninia atitude hahuú diferente ho mumentu Nia sai husi Kongregasaun. Tenke konsiente katak Filipus iha ninia pájina moris la senti moris nuúdar Joven.

Filipus ho Nia kabeen ninia moris nuúdar feén ho Laen komesa barulho neneik. Bikan kanuru hahuú tarutu, uma laran komesa aktus Disiplina hahuú mihis dadauk. Situasaun hirak neé akontese tamba Influensia Joven sira nian. Maibe ho kalma, fiar familia nian nuúdar Bukae atu hakalma situasaun uma laran. Hirak neé akontese, toó Filipus iha doben seluk, ho feto ida durante tinan 2.

Durante tinan 2 familia sira liu-liu feén kaben no oan nain 3 la hatene saida mak Filipus halo iha ninia moris depois Nia sai husi Kongregasaun durante vida Joven.

Loron ba loron aktus Filipus iha mudansa. Komunidade iha cidade neé hahuú toman ona saida mak Filipus halo. Maibe Filipus sempre uja ninia maneiras Fiar Nain, Agradese halo familia uma laran la duun deskonfia, maski informasaun hirak neé iha ona Familia nia tilun.

Domin Daruak ka Selingkuh kontinua lao, Filipus halaó ona Domin nakukun, Feto Selingkuh neé tau laran ba Filipus, hahuú Domin buras, maibe Filipus iha ninia intensaun hakarak enjoy.

Loron ruma, Filipus nia feén kaben kaer toman Sira nain rua hamriík iha aihun ifa, iha altura nebaá udan supiska, Rai Hakmatek, muzika viziñu ida ba Viziñu seluk lian, muzika Tristi. Filipus nia feén kaben hareé ho matawen, fuan tanis, maibe ida neé mak realidade Nia tenke infrenta, wainhira Filipus ho Nia selingkuh Rein Malu. Hafoin ida neé, Filipus nia feen kaben hakbesik ba sira nain rua dehan “Hau nia belun Feto, Filipus hau Nia laen kaben, Hau husu ohin ba oin, labele tan hakbesik ba nia, tamba Oan nain 3 sei presija ninia domin.

Ba Ó Filipus Hau husu deskulpe tamba Hau sala ona, maski durante neé Hau la halo Ó laran moras, maibe karik tamba Hau la fo Hau Nia rein barak ba”. Rona lia fuan hirak neé, Filipus hahuú konsiensite ona katak, aktus nebeé Nia halo neé la diak. Feto selingkuh tanis no husu deskulpe ba Filipus nia feen kaben, maibe ho lia Fuan ida katak, Deskulpe.

Situasaun neé remata iha neé kaibe tamba Juvenil Deliquency halo Filipus nia kakutak sai bulak, no halo buat ida konforme Nia hakarak. Filipus nia familia sira konsiente katak, aktus nebeé Filipus halo, tamba Nia rasik hela iha Kongregasaun, tinan barak entaun la duun akompaña situasaun Jovem iha Liur. Família sira rejolve Filipus nia problema ho kalma no hatuúr fila fali Filipus nia Uma kain sai diak hanesan bain-bain.

Maibe Filipus nia aktus neé la iha mudansa, Nia hakbesik taán ba Feto seluk, selingkuh fulan ba fulan komunidade kaer toman no hatoó keixa mai Familia. Filipus hahuú nega aktus nebeé nia halo, no husu evidensia. Loron ida Filipus nia feén kaben kaer toman dala ida, Filipus ho nia selingkuh foun toba iha Uma Luxo ida(Hotel) iha Cidade nebeé sira hela ba. Filipus nia feén kaben hahuú hatudu nervozu hodi hasai lia fuan nervozu hodi hateten “Ó hanesan Ahi Klaák Aidak nebeé manas tebes, maibe hasubar hodu ami senti ninia malirin” Lia fuan neé halo Filipus tanis. Filipus nia feén kaben la halo problema, tamba kuidadu integridade no dignidade Filipus. Husi neé ba neé, Filipus hahuú muda ninia hahalok, lakohi komete tan.

Filipus halo Refleksaun ba ninia áan rasik no Promete ba Maromak hodi dehan “Durante Hau iha Nakukun-Selingkuh, Hau senti ema la hetan Hau maski iha naroman leno habosok, maibe ohin Hau promete, Hau moris fali iha Naroman, hodi haluhan Nakukun Passadu, hakarak moris ho familia ida nebeé Paz, lakohi komete tan aktus imoral. Aktus nebeé Hau Halo, kria Família nebeé la hakmatek, halo ita haluhan áan, tamba neé Familia perdua Hau, ho Hau Nia nakukun, nuúdar esperiensia ida ba Hau nia moris”.

Filipus konsiente nia áan, no rekoñese sala, no lakohi sai vítima dala ida tan.

—REMATA—

LEAVE A REPLY