Konvite Aberta ba Militantes no Simpatijante RENETIL

0
163

KOMUNIKADU IMPRENSA

AQA TIMOR – Liu husi Deliberasaun Conselho Central RENETIL (CCR) iha loron 9 fulan Setembru tinan 2017 fó mandatu ba Komisaun Eventual RENETIL atu halo preparasaun ba Kongresu RENETIL dahituk (VII). Nune’e iha fulan Outubru 2017, harii ona Komisaun Organizadora hodi organiza Kongressu RENETIL dahituk ne’ebé sei hala’o iha loron 15 to’o 17 fulan Marsu tinan 2018 iha CCD, Dili.

Iha Kongresu Nasional RENETIL dahituk (VII) ne’e, sei halo desizaun ba nia liña polítika no programa organizasaun, hatuur ninia estatuto no eleje estrutura foun ba periódu 2018-2022.
Oradór xave sira iha Kongresu ne’e mak: Sua Excelénsia Primeiru Ministru, Dr. Marí Bim Amude Alkatiri, Maun Boot Kay Rala Xanana Gusmão, Amu Bispu Diocese Dili, Dom Virgílio do Carmo da Silva no Sua Excelensia Prezidente Repúblika, Dr. Francisco Guterres Lu-Ólo.
Tamba ne’e, Diresaun Central RENETIL husu ba:
– Kuadru, militante no simpatizante RENETIL nian iha teritóriu tomak atu partisipa ativa iha Kongresu ne’e to’o remata.
– Militante no simpatizante sira ne’ebe hakna’ar an iha instituisaun nebe deit atu husu lisensa hodi partisipa iha Kongresu RENETIL nian to’o remata.

Kongresu sei loke ofisialmente husi Sua Excelénsia Primeiru Ministru Dr. Marí Bim Amude Alkatiri, iha loron 15 fulan Marsu tinan 2018, tamba ne’e, husu ba militante no simpatizante sira nia prezensa iha kongresu oras tuku: 08:00 dader, no Kongresu sei taka ofisiálmente husi Sua Excelensia Prezidente Repúblika, Dr. Francisco Guterres Lu-Ólo iha loron 17 Marsu 2018.

Konferensia Imprensa ne’e hanesan konvite aberta ba militante no simpatizante RENETIL iha teritoriu tomak.
Um Povo, Uma Pátria
Unidade e Acção

Dili, loron 13 fulan Marsu tinan 2018
Komite Organizadora

LEAVE A REPLY