Modelu Karteira Profesional husi Nasaun seluk. Ita hein Modelu Timor nian.

AQA Timor (DILI) – Konselhu Imprensa (KI) Timor Leste Kuarta-Feira (20/12/2017) neé sei atribui Karteira Profesional ba Jornalista Timor oan sira nebeé durante neé kontribui informasaun ba Públiku liu husi Mídia Nasional nebeé haknaár ba.

Atribuisaun Karteira Profesional ba Jornalista sira neé nuúdar rekoñesimentu id aba Jornalista sira nebeé fo ona sira nia matenek hodi servi Públiku nian ba informasaun nebeé loós no kredibel.

Serimonia neé sei halaó iha Salaun Delta Nova Dili iha oras 3h15-3h45 Lorokraik.

Tersa-feira (19/12/2017) orseik, Jornalista Profesional sira asina ona termu Juramentu nebeé Konselhu Imprensa prepara nuúdar parte ida konkorda ba Karteira Profesional nebeé atribui husi KI rasik.

Jornalista nebeé sei simu Karteira Profesional hamutuk atus ida resin, mai husi Mídia Radio, TV, Imprimi, inklui Online sira nebeé Ejisti iha Timor Leste.

LEAVE A REPLY