Jornalista Laos Patraun!!!

0
356

AQA TIMOR – Ikus-ikus Públiku liu-liu Organizasaun sira sempre prekupa no kestiona servisu ka Independensia Jornaista sira nian iha Mídia Nasional. Ita koalia kona ba Indepedensia, neé ita liga ma Notisias nebeé transmite ka Públika iha Mídia Nasional sira. Ema balun kestiona liu kona ba servisu Mídia ninia Indepedensia, ho rajauan tamba fasilita Transporte, Akomodasaun ba Jornalista sira wainhira atu ba halo Kobertura.

Hau hakarak hateten katak, Jornalista neé profisaun ida nebeé halaó husi Ema, hanesan mos kargu Governante, Direktur, Doutor. Profisaun ka Kargu neé mos presija nesesidade. Dala barak ema hare Jornalista neé hanesan Pembantu. Tamba Sá mak Hau dehan nuneé, tamba konvida Jornalista ba halo Kobertura, ikua mai kestiona fali apoiu nebeé fo. La lójika liu kuandu Jornalista ida hakerek notisias, Nia hamlaha.

Jornalista sira presija hetan tratamentu nebeé diak husi Públiku, tamba Jornalista ninia salariu la hanesan ho kargu Pólitika, maski Jornalista mak hanesan ponte informasaun ba interesse Sidadaun nebeé ambisaun ka hamroók ba Kargu ruma. Jornalista laos Patraun ida, maibe Jornalista hanesan Profisaun ida nebeé servi Públiku ho Independensia. La signifika Indepensia, Jornalista tenke hamlaha. Ita hotu tenke konsiente katak, Jornalista sira ema Timor oan, Presija hetan tratamentu dignu.

Dalaruma ema balun kestiona kona ba tratamentu nebeé fo ba Jornalista sira, ikus mai kestiona ka hateten fila fali apoiu neé, hodi fo sala ba Jornalista sira nia Independensia, tamba Notisias la tuir sira nia interese. Ó bele apoiu fasilidades ba Jornalista, maibe Notisias nebeé Jornaliata hakerek labele tuir imi nia hakarak, tamba Jornalista iha Kóde Étiku ka Regulamentu hakerek notisias.

Apoiu nebeé imi fo Jornalista, tamba tuir imi nia aktividade, tamba Jornalista laos Kabun Besi. Presija asegura Dignidade Jornalista nuúdar Sidadaun RDTL nebeé naín ba Estado, labele konta imi nia apoiu ho Osan buat seluk nebeé fasilita Jornalista durante aktividade Kobertura nian.

Maski Jornalista servidor, maibe atendimentu Públiku labele konsidera nuúdar imi nia atan, neé labele tolera, tamba Jornalista mak imi nia Lian ba Lian Laek sira. Ita tristi wainhira Matenek naín sira kestiona tratamentu nebeé fo ba Jornalista, ikus mai kestiona fali iha Públiku, neé hatudu katak ita nunka tau interesse Joven ka sidadaun Timor Leste nebeé faz parte ba Prosesu Dezenvolvimentu Nasional atravez Komunikasaun Sosial.

Dala ruma imi konsidera Jornalista neé profisaun Dezempregu ida, maibe imi nunka senti Jornalista nia kontribuisaun ba Prosesu Ukun Rasik Áan toó Prosesu Dezenvolvimentu Nasional. Iha Nasaun balun Jornalista nuúdar profisaun nebeé ema fo Ónra, maibe Úniku Timor oan nebeé hamroók ba Poder ka Kadeira, hareé Jornalista hanesan sira nia Servidor. Tenke konsiente katak tratamentu nebeé imi fo ba Jornalista, mak Jornalista sai imi nia Atan, neé nunka mais atu akontese.

Tamba neé husu ba Sidadaun sira nebeé durante neé iha konsiensia apoiu Jornalista hodi kobertura ba imi nia interesse, labele koalia ka konta fali imi nia oan sira iha Ema barak nia oin, tamba neé konsidera nuúdar aktus Irresponsabilidade ida nebeé imi hatudu.

Fawor ida fo respeitu ba Servisu Jornalista, no husik Jornalista sira halaó nia knaár tuir regulamentu nebeé Jornalista iha, maski imi fo tratamentu ka apoiu osan, tamba imi la konsiente katak osan nebeé imi apoiu mai husi Osan Estado, entaun Jornalista iha direitu atu hetan, tamba imi mak iha direitu ba jere, la signifika osan Estado.neé imi nian ka imi nia Familia nian.

HATETEN LAE DISKRIMINASAUN HASORU JORNALISTA !!!

Hakerek Naín: Amito Qonusere Araújo

LEAVE A REPLY