Hakerek Naín: Amito Qonusere Araújo, No. HO 77639282 Email: amitortl@gmail.com

AQA TIMOR (OPINIAUN) – Opiniaun neé la reprejentanta Instituisaun nebeé Haknaár áan, maibe nuúdar espresaun sentimentu ba situasaun Komunikasaun iha Rai laran.

Hare ba Tema iha leten “ Jornalista Labele sai Portavoz Pólitika” tema ida nebeé sai perguntas boot id aba Jornalista sira nebeé durante neé halaó knar iha Mídia Nasional sira, hodi transmite informasaun ba Públiku tuir Konstituisaun RDTL artigu 40 no 41 kona ba Liberdade Imprensa no Liberdade Espresaun.

Loós ka lae, Jornalista Timor sai Portavoz Pólitika? Wainhira ita husu ba Jornalista ida-idak, tenke defende áan katak, nunka mais atu haliís ka pro ba Partido Pólitika ida, maibe hareé husi kestaun espresaun no hakerek iha Mídia Eletroniku ka Imprime, iha bele nota titulu notisias sir abele sai Portavoz.

Tamba saida mak Hau dehan nuneé, tamba dala barak Jornalista sira nebeé halo kobertura iha Assuntus Pólitika, iha ona influensia husi Partido ida ho segredu, atu Públiku labele hatene.

Realidade nebeé iha, Jornalista Timor oras neé barak aprende ona oinsa atu halo Pólitika liu husi Hakerek loron-loron iha Mídia, no kadavez sai mos hanesan instrument ida ba Partidos Pólitika nia interesse. Ida neé akontese ba Jornalista Professional sira.

Ho produtu Jornalistiku nebeé iha, Públiku hatene ona Jornalista sira nia Imparsialidade no loyalidade. Tamba sa mak Hau dehan nuneé, tamba Jornalista balun oras neé defende Ideoljia Partido Politiku ida, ho kontra ka atake makas Partido seluk. Iha neé mak ita bele sukat ona interesse Professional Jornalista ida ninia Independensia.

Tuir loloós Mídia Nasional liu-liu Redasaun nebeé iha kompetensia Absolutu tenke fo atensaun masimu ba Jornalista sira nebeé iha ona intensaun seluk, la tuir Kóde Étiku Jornalista nebeé Jornalista rasik Aprova. Iha ona perguntas mos ba Jornalista nebeé sai Portavoz Partido Pólitiku ida.

Hirak neé it abele hareé husi komentariu lubun nebeé Públika iha Mídia Imprimi ka Mídia Eletróniku ka Mídia Sosial sira. Ita tenke konsiente ita nia áan katak, Liberdade Imprensa no Liberdade Espresaun nuúdar Demokrasia ida, maibe tenki sukat mos ninia tárjetu nebeé iha, atu nuneé Independensia Imprensa labele sai perguntas iha Públiku, atu Ovintis, Telespetadores ka Leitores labele kestiona ita nia Independensia.

Situasaun Pólitika nebeé akontese iha Paiz neé nuúdar siensia id aba ema hotu-hotu atu bele aprende Sistema Demokrasia foun inklui mos Jornalista, maibe Imprensa labele hakat liu bareira Demokrasia ba Órgaun Komunikasaun Sosial nian.

Ho situasaun hirak neé, Hakerek naín husu ba Maluk Jornalista sira iha Mídia Nasional sira, atu respeita no fo valor ba Kóde Étiku Jornalista no Lei Komunikasaun Sosial, atu nuneé ita bele hatuúr loloós Órgaun Komunikasaun Sosial tuir Konstituisaun RDTL. Tamba wainhira ita la fo valorizasaun, ita rasik mak la respeita Dutrina Komunikasaun Sosial nebeé ema barak Luta ba Interesse Públiku ninian.

Jornalista hotu-hotu labele sai Portavoz ba Partido Politiku ida nia interrese, tamba neé parte atu hamete Liberdade Imprensa ninia Indepedensia, no sei fo marjen ladiak ba Loyalidade Imprensa iha future.

Aliened neé, husu ba Asosiasaun Jornalista sira hanesan AJTL, TLPU, SJTL inklui Konselhu Imprensa atu fo hanoin ba Instituisaun Mídia sira atu bele kontrola Publikasaun Informasaun sira iha Mídia Nasional hodi nuneé bele garantia kualidade informasaun tuir Kóde Étiku Jornalista nian.

Força Imprensa Timor Leste.
Hateten LAE Jornalista Pólitika.

LEAVE A REPLY