Ha’u, justisa, no konspirasaun “I, Justice and Conspiracy”

0
902

Hosi: Hermenegildo G. Da Cruz

Aka Timor (Opiniaun) – Ha’u, justisa, no konspirasaun esplikasaun uluk ba termu tolu ne’e. Ha’u nu’udar sidadaun ida ne’ebé moris no hala’o moris ne’e iha rai doben Repúblika Demokrátika de Timor Leste RDTL. Ha’u nu’udar sidadaun Timor oan tuir saida mak hakerek iha Konstituisaun RDTL 20 de Maio de 2002, Artigu 3 ‘Sidadania’ iha pontu 1. Sidadania Originaria, signifika hahu kedas hosi Bei Ala Maubere ain tanan hodi to’o mai moris ba ha’u ne’e moris, hela, no hala’o moris ne’e iha Rai doben RDTL. Iha tempu okupasaun illegal Indonézia nian, ha’u partispa mós iha luta ba ukún Rasik aan, hanesan xefe juventude Katolika iha Bazartete, koordenador DSMPTT Nurep Rusa Fuik Zona Nicolau Lobato Bazartete halo sosializasaun, no movilizasaun povu Maubere sira ba ukun rasik aan. Hanesan sidadaun, kestaun justisa sempre sai preokupasaun importante tebes iha vida moris humanidade nian.
_______________________________________________
Ha’u Hermenegildo Gonçalves da Cruz Lisensiadu iha Criminology in Criminal Justice System no Estudu Politika Internasional, Lisensiadu iha Honors. Oan hosi Aman Beci Raek (mate iha 11 Abril 1977 iha Darulete Liquica), Inan Arminda da Cruz sei moris iha Fatumasi/Nurep Rusa Fuik Bazartete, Avo (mate hotu na) hosi Aman nian no Inan nian moris no hela iha rai Bazartete. Aman Beci Raek iha 1974 hamutuk ho Komandante FALENTIL Malibuti hodi simu kilat hosi PR Nicolau Lobato iha Asiri Mou Aileu hodi ba hamutuk ho nia aswain sira seluk hodi forma Kompania Rusa Fuik iha Huhlur Fahilebo Bazartete. Testamuña ne’ebé sei moris mak Aswain Eugenio Correa MAU LEAR nia mós Inimigo tiru nia kelen no kidan sorin loos kanek, Inimigo kaptura nia kastigu tiha, pois iha 1981 Mau Lear hasoru malu ho Komandante Kompañia Ernesto Dos Santos (eis Polisia Portugues ), vise Komandante Mau Caro 305 iha Claso Ulmera Bazartete, nune’no inimigu ka’er tan nia ho nia maluk lubuk ida ba kastigu tiha iha KODIM (Komando District Militer) Liquica.
Artigu 30 Sidadania, Konstituisaun RDTL 20 de Maio de 2002, P.1.
Xefe Juventude Katolika iha paroque Bazartete, Koordenador DSMPTT ( Dewan Solidaridade Mahasiswa Pemuda Pelajar Timor Timur Konsellu Solidaridade Universitariu, Joventude no Estudantes de Timor Leste) Testamuña Koordenador Jeral DSMPTT Liquica Domingos Dos Santos Mau Karo 3, Koordenador Nasionál Bendito Antero Da Silva, Rai Moris Sec Zona Nico, Ajunto Merak, Leto Mone Assitenti Politika, Grey Harana Sec Joventude Reg III, Komandante Roke, Rai Los Asist Politika Militar, Ajunto Tuloda Alves.

Justisa nu’udar prinsipu ida ne’ebé hatur iha lia loos ka justu. Lia loos ka justu signifika moralmente korekta; imparsial, ekuitativu tuir direitu justisa nian, adekuadu, meresidu,
lejítimu, justifikadu, razoavel no lojiku. Lei Inan Konstituisaun RDTL 20 de Maio de 2002 fó garantia ba sidadaun hotu hodi hetan lia loos ka justu liu hosi asesu ba Tribunal. Fó garantia ba sidadaun ida iha direitu ba lejítima defeza hodi hatur loloos lia loos ka Justu durante nia iha prosesu saida de’it krime ka sivil ne’ebé nia hasoru. Iha prosesu ne’e, Lei KRDTL garantia ba sidadaun ida hodi ezerse nia direitu defende aan liu hosi nia advogadu, ka defensor. Prosesu ba hetan lia loloos ka justu ne’e mai hosi lala’ok loloos nian ne’ebé halo hosi autoridade judisiariu sira, hanesan polisia, ne’ebé buka, no investiga hodi hetan loloos prova. Prova siginifika bazeia ba evidensia ne’ebé real existi fisikamente duni, la’os mai hosi inventa, ka falsifikasaun materia. Nune’e mós prokurador ne’ebé halo akuzasaun ba sidadaun ida tenke bazeia ba prova ne’e, la iha prova, no kuandu la iha rekezitu hotu – hotu kona ba lejitimidade entaun laiha akuzasaun.
______________________________________
Porto Ed, Dicionário da Língua Portuguesa; esplikasaun ba termo Justo, 2014, p. 947.
5 Constituição RDTL 20 de Maio de 2002, Artigu 26, 28, & 31, pp. 18-20
6 Dekreito Lei No.13/2005 1 Dezembro – Kódegu Prosesu Kriminal RDTL, Artigu 48 Atribuisaun Kompetensia ministériu públiku nian iha pontu a, ..haruka halo prosedimento kriminal kuando iha rekezitu hotu-hotu kona ba lejitimidade.., p.33.

Bainhira prokurador ida uja nia poder akuzatoria ne’e akuza sidadaun ida la ho prova signifika prokurador ne’e abuzu nia poder tanba prokurador la iha no neen iha direitu ida hodi akuza sidadaun ida la tuir prova, sa tan mak lori nia intensaun pesoal ka interese nia grupu nian hodi kondena sidadaun ida. Desijaun ne’ebé juiz foti iha aulá julgamentu tenke tuir lia loos ka justu signifika katak; desijaun ida ne’ebé hakotu hodi fó kastigu ka liberdade, absolvesaun ba kondenasaun ne’ebé sidadaun ida tenke bazeia ba faktu provadu. Desijaun ne’ebé juiz foti neen bazeia de’it ba akuzasaun ne’ebé prokurador aprezenta, no neen bazeia ba nia interese individual ka grupu politiku ka rasismu.

Nune’e, advogadu sira nu’udar defensor hodi defende sidadaun ida ne’ebé hetan akuzasaun hosi prokurador. Iha prosesu julgamentu juiz mós sei rona advogadu nia defeza, liu hosi nia inkrisaun ba sidadaun ne’ebé nia defende nu’udar nia kliente, nune’no materia hosi inkrisaun ne’e hodi artikula tuir nia matenek lejislasaun nian hodi kontra argumentu akuzasaun ne’ebé aprezenta hosi prokurador. Liu hosi prosesu ne’e mak to’o faze final juiz nia desijaun bele hatur tuir lia loos ka justu. Kuandu desijaun ida mak la bazeia ba faktu provadu ne’e hanaran insjustisa ne’ebé dala barak mosu tanba konspirasaun. Konspirasaun signifika katak aktu hahalok hosi ema ida nian ho hanoin iha nia kakutak, no implementa aktu ne’e ba hetan nia objetivu ne’ebé sempre hamosu ho konsekuensia negativu. Ninia mekanizmu hahu hosi ema ida nia intensaun iha nia kakutak, intensaun ne’e konvense ba ema rua ka grupu ida hodi hamutuk implementa hahalok ne’e ba alkansa objetivu ne’ebé individu ka grupu ne’e nia hakarak ne’ebé negativu.

Lala’ok konspirasaun bele mosu liu hosi konspirador sira aprezenta materia falsu, la’os prova, hodi implementa individu ka grupu ne’e nia hanoin hodi kondena ka elimina ema ida hosi kargu, ka izola ka hakotu ema ida nia vida. Dala barak iha kestaun justisa; konspirador sira liu hosi manipulasaun ba materia ne’ebé aprezenta ba prokuradória, no konspirador sira esforsu aan maka’as hodi konvense prokuradória hodi avansa ho nia akuzasaun iha aula julgamentu ba ema ne’ebé nu’udar sira nia alvu.
_________________________________________
Proper. K. R, ‘The Conspiracy Theory of Society’ in conjunctures & Reputations: the growth of Scientific Knowledge, ed, New York, Routledge, 2002, p.1.

Nune’e mós konspirador sira explora oportunidade oin – oin hodi konvense públiku hodi julga uluk individu liu hosi media antes Tribunal halo prosesu julgamentu loloos ka justu ba sidadaun ne’e. Konspirasaun ne’e nia objetivu mak deskredita dignidade ema ida ne’ebé sai hanesan alvu ba sira. Dala barak konspirasaun ne’e mosu tanba sidadaun ne’e la aseita tuir ka la konkorda ho konspirador sira nia interese politika ka ka interse individuais ne’ebé konstituisionalmente laloos. Sira hare sira nia pozisaun ba maximiza kapital material ka finanseiru ho maneira ilisitu la seguru entaun opsaun di’ak hodi nafatin asegura konspirador sira nia autoridade politika, estatutu sosial ne’ebé la tuir povu popular nia hakarak mak liu hosi konspirasaun.

Ha’u, justisa no konspirasaun kontestualiza iha mundu real humanidade nian.
Ha’u nu’udar sidadaun RDTL ida originario ne’ebé hasoru prosesu julgamentu rua, ida iha Tribunal movel Distritu Suai nian ne’ebé hala’o iha Maliana munisipiu Bobonaro iha loron 25 fulan Setembro 2014. Ida seluk, ha’u hasoru prosesu julgamentu ketak ida iha Tribunal Distrital Dili hahu hosi loron 19 fulan Setembro 2016 to’o mai alegasaun final iha loron 5 fulan Janeiro 2017.8 Iha prosesu ida ne’e, hahu hosi akuzasaun to’o ba julgamentu mosu ona indisus konspirasaun. konspirador sira konspira hasoru ha’u bainhira ha’u halo knar iha instituisaun foun ida iha Estadu RDTL, naran PSIK Polísia Sientifíka Investigasaun Kriminal. Hodi hatene loloos Ha’u, justisa no konspirasaun iha kontextu real moris humanidade mundu ida ne’e. Dahuluk, hare hosi investigasaun ne’ebé halo hosi prokurador no ofisial justisa iha kazu rua ne’e. Daruak, hare ba prosesu akuzasaun hosi prokurador iha faze julgamentu iha Tribunal iha juiz prosesu nia prezensa. No oinsa sidadaun ne’e bele defende nia aan hasoru akuzasaun hosi ministériu públiku; no advogadu nia defeza ba sidadaun ne’e nu’udar nia kliente. Ikus liu hare klean ba konspirasaun, no explora aspetu hirak ne’ebé konspirador sira halo hodi hamosu konspirasaun, no konkluzaun.
____________________________
Data 25 de Outobru 2014 tuir notifikasaun ne’ebé Tribunal Distrital Suai hato’o ba ha’u. Dia 05 de Janeiro mós tuir data notifikasaun ne’ebé hato’o hosi Juiza prosesu iha Tribunal Distrital Dili ba ha’u.

Prokurador – ministériu públiku halo investigasaun;
Marsu – Outubru 2014 iha Municiopio Bobonaro – Maliana
Prokurador sira representa ministériu públiku tuir Kodigu Prosesu Penal (KPP) Timor Leste nian, mak halo prosesu inkeritu, no halo akuzasaun hasoru sidadaun ida. Antonio Tavares da Silva prokurador delegasaun Distrital Bobonaro halo notifikasaun ba ha’u hodi aprezenta aan iha nia servisu fatin Maliana hodi halo prosesu inkeritu iha loron 05 fulan Marsu 2014. Iha tempu inkeritu prokurador ne’e le’e tiha informasaun tanba sa mak ha’u aprezenta aan iha nia servisu fatin. Ho prokurador nia autoridade, nia konstitui ha’u ba hanesan arguidu tuir Artigu 59 KPP.10 Depois nia le’e arguidu nia direitu tuir Artigu 60 KPP ne’ebé hatete arguidu iha direitu iha pontu c, arguidu iha direitu hodi la fó nia deklarasaun, no fó mós tenke ho liberdade. Mos iha Pontu d, arguidu iha direitu hodi hetan asisténsia hosi defensor. Entaun depois ha’u rona tiha, ha’u desidi hodi uja ha’u nia direitu iha pontu c. La fó ha’u nia deklarasaun, entaun prosesu inkreitu para iha ne’e. Nune’e, mós ha’u hatete ba sr. prokurador, ha’u bele ba hatan iha Tribunal bainhira iha prosesu julgamentu no prezensa ha’u nia advogadu.
_________________________________________________
Paragraf ikus hosi Preambula Codeco Prosesu Penal RDTL Dekreito Lei No.13/2005 1 Dezembro, p. 22
10 Artigu 59 Konstituisaun hanesan arguidu, CPP DI No.13/2005 1 Dezembro, p.35
11 Artigu 60 Ariguido nia Direito, CPP, … et all, p.36
12 Artigu 167 Codeco Penal RDTL 7 de Junho de 2009, p.104

Iha loron 25 fulan Setembro 2014 iha Tribunal movel ne’ebé hala’o iha Maliana munisipiu Bobonaro, prokurador Sr. Antonio Tavares da Silva halo akuzasaun hasoru ha’u ho Kodigu Penal Artigu 167; turtura ka tratamento kruel degradamente ka dezumanu. Akuzasaun hasoru ha’u bainhira implementa rezolusaun governu No.16/2013, 10 Jullu ba extinção Arte Marçiais PSHT(Persaudaraan Setia Hati Terate) , KORK (Klibur Oan Rai Klaran) no KERA SAKTI.13 No ejekuta diretiva Komandu Jeral PNTL no.210/ CG-PNTL/VII/2013 ne’ebé fó orden hodi halo levantamentu, no halo operasaun ba atividade arte marsiais PSHT, KORK no KERA SAKTI.

Iha tempu ida ne’eba, ha’u halo knar hanesan Komandante PNTL iha munisipiu Bobonaro hahu hosi 10 de Janeiro 2013 to’o mai 20 de Janeiro 2015 hodi responsabiliza ba komanda forsa PNTL iha munisipiu ne’e hodi asegura orden konstituisional ba promove no mantein paz establidade no orden públika iha munisipiu ne’e.
__________________________________
Rezolusaun governu RDTL No.16/2013, 10 de Jullu Extinção Arte marsiais PSHT, KORK no KERA SAKTI iha teritorio Timor Leste, www.jornaldarepublica.tl.org
14 Ordem Directiva hosi Sr. Longuinhos Monteiro hanesan Komandante Jeral PNTL ba ezekusaun Rezolusaun Governu No.16/2013 Konaba extinsaun Grupu Arters Marisais PSHT, KORK no KERA SAKTI, no.210/CG-PNTL/VII/2013.
15 publikasaun Timor Post edisaun Sesta Feira 26 de Setembro 2014, pagina 14.

Akuzasaun prokurador Antonio Tavares nian ne’e sai tiha hanesan atensaun públiku, hanesan publikadu iha Timor Post ‘Komandante PNTL Municipo Bobonaro sai arguidu tanba hala’o orden Komandu hodi implementa Rezolusaun governu RDTL. Dala barak, kestaun ida Timor Post foti ne’e, demostra dezafiu ne’ebé ofisial suprior no membru PNTL sira hasoru. Rezolusaun no 16/2013 ne’e dehan tuir nia definiasaun iha lian Portugues katak extinção ne’e signifika halakon tiha, entaun halakon tiha organizasaun arte marsiais tolu ne’e PSHT, KORK no KERA SAKTI iha teritorio Timor Leste. Maibé, iha kontestu real, treinador hosi arte marsiais PSHT ne’e sei nafatin treinu subar nia membru sira, depois organiza membru sira hodi tama ba Atambua Indonézia hodi gradua ka sa’e sabuk warga nian. Sira tama ba Atambua liu hosi dalan illegal, hakat fronteira terestre entre Batugede Timor Leste no Mota Aiin Indonézia la ho dokumentu legal sira. Iha faktu investigasaun deskobre katak membru PSHT ne’ebé ba graduadu iha Atambua Indonézia halo juramento ba Bandera Merah Putih Indonézia nian no Jura ba Rai Indonézia nian, no simu orientasaun hosi sira nia Mestri Guru boot dehan fila mai Timor Leste sira tenke experimenta sira nia forsa ne’ebé foin simu ne’e. Nune’e mós deskobre iha grupu organizadu hodi organiza membru sira, hahu hosi buka fatin seguru ba treinamentu, mobiliza ba, no fila hosi Atambua no involve mós individu ajente seguransa. Entaun kestaun real ne’e mak fó oportunidade ba ofisial superior PNTL balun ne’ebé komanda forsa iha munisipiu la iha korajen hodi enforsa lei ne’e, nune’no hamosu oportunidade ba membru hosi arte marsiais tolu ne’e kontinua halo violasaun kontra prinsipiu legalidade demokrátika ne’e, viola integridade soberania Nasaun RDTL hanesan sira hakat ba rai ketan Indonézia nian la ho dokumentu legal sira.

Tuir factus ne’ebé seksaun Investigasaun Criminal PNTL iha Komandu Distrito Bobonaro halo prosesu Investigasaun ba membru PSHT nain 45 ne’ebé kapturado iha 18 Novembro 2013, depois fila illegalmente hosi Atambua Indonézia depois sira ba tuir graduasaun sa’e sabuk warga PSHT.
_________________________________________________________
Artigu 147 Konstituisaun RDTL 20 de Maio de 2002 iha pontu 1, p. 55
18 Artigu 38 Dekreto Lei No.9/2009, Lei Organika PNTL.

Tuir dokumentu lejítima defeza Hermenegildo G Da Cruz nu’udar arguidu ba kazu ne’e, dokumentu ne’e aprezenta ba Tribunal movel iha Maliana munisipiu Bobonaro, dia 25 de Setembro de 2014, no durante julgamentu ne’e ha’u nia defeza hosi advogadu Dr. Manuel Gonçalves no Dr. Maurino Da Cruz.

Iha prosesu julgamentu ne’e, juiz koletivu ne’ebé prezide hosi juiz Portuguesa ida naran Pedro Raposo de Figueiredo, Doutor Constancio Basmery. Depois Sr. Antonio da Silva Tavares lee tiha nia akuzasaun, juiz Pedro perimite ha’u hodi hatán. Ha’u hatan tuir prinsipiu Konstitusional ne’ebé hatur iha Lei inan KRDTL 20 de Maio 2002, Artigu 147 hatete iha pontu 1. A polícia defende a legalidade democrática no garantia a segurança interna dos cidadãos. Entaun Rezolusaun governu No. 16/2013, 10 de Jullu nu’udar materia demokrátika ne’ebé tenke defende. Autoridade Komandante PNTL hatur ona iha Lei Organika PNTL hodi ezerse nia funsaun lidera forsa hodi forma mekanizmu operasional hodi defende orientasaun aas Konstituisaun; garantia a segurança interna dos cidadãos.18 Nune’e ha’u argumenta katak akuzasaun ne’ebé Sr. prokurador Antonio Tavares aprezenta ne’e laloos. Iha prosesu, advogadu Dr. Manuel Gonaçalves ho Dr Maurino da Cruz halo defeza tuir saida mak ha’u deklara iha aulá julgamentu ne’e. Depois hein tiha fulan ida ba desijaun final. Iha loron 16 fulan Outubru 2014, Tribunal movel iha Maliana munisipiu Bobonaro juiz de Direito Pedro Raposo de Figueiredo akompaña ho juiz Timor oan nain rua halo desijaun final hodi absolve ha’u hanesan arguidu, signifika ha’u livre total, manan, ba akuzasaun ne’ebé prokurador Antonio Silva Taveres halo ba ha’u. Iha prosesu tomak kazu ida ne’e nian, la hatudu indisus konspirasaun direta maibé iha sinais balun ne’ebé bele kestiona entre defende prinsipiu konstituisional ho prokurador nia akuzasaun.

Notisia Media STL online 17 Outubru de 2014, www.http://stl.online
Kopia Notisia notifikasaun MP simu hosi ofisial justisa iha loron 03 Dezembro 2015
Despaisu Prokuradora / Majistrado Angelina Joanina Saldanha, NUC 0039/15.PG/GCC, 21

Dezembro 2015 – Janeiro 2017 iha munisipiu Dili
Iha loron 03 Dezembro 2015 ministériu públiku notifika ha’u hanesan suspeitu hodi aprezenta aan iha edifisiu Prokuradoria Jeral Repúblika nia gabinete iha Villa Verde Dili, iha prosesu inkereitu ne’e ofisial justisa nain rua feto ida ho mane ida mak halo. Ha’u lakonkorda kuandu konstitui ha’u ba arguidu, entaun ha’u dehan ha’u persija advogado. Iha prosesu inkreitu tuir mai, prezensa mós ha’u nia advogado, ofisial justisa nain rua ne’e konstitui ha’u ba arguidu. Iha loron 21 fulan Dezembro 2015 Prokuradora Sr Angelina Joanina Saldanha hatún despaisu akuzasaun ba ha’u. Durante ha’u hein prosesu ne’e la’o ha’u kolokadu iha kuartel Jeral PNTL Dili hanesan staff depois hetan ezenorasaun hosi Sr PM Rui Maria Araújo hanesan DNPSIK iha 18 fulan Setembro 2015. Bainhira hein prosesu ne’e, Sra Adjunta prokurador Jeral Republica Zelia Trindade telefone ba Komandante Jeral PNTL komisariu Julio Da Costa Hornai, ho intensaun ezije Sr komisariu katak lalika koloka Superintendenti Xefe Hermenegildo (ha’u) ba pozisaun ruma iha PNTL. Intensaun hosi Sra Zelia Trindade ne’e demostra indisus forti konspirasaun.

Faktus konkreta ida mak Sra Prokuradora Lidia Soares kala simu orientasaun hosi nia boot ba konfirma kedas iha Quartel Jeral PNTL ha’u sei ativu hanesan PNTL ka Suspende tiha ona depois nia Adjunta PJR fó orientasaun ba komisariu Julio Hornai. Implementa oritensaun ne’e, komisariu Julio Hornai ho komisariu Faustino Da costa marka enkontru ida hamutuk ho ofisial superior nain rua seluk. Iha enkontru ne’e, komisariu nain rua ho Superintendenti Carlos Almeida Jerónimo aprezenta katak persija iha prosesu disiplinar ida. Hatán ba sira, ha’u dehan de’it ba komisariu nain rua, ho sentimentu estrañu, katak ita boot sira lalika ba fase fali ema seluk nia bikan fo’er, husik sira mak fase rasik.

Visita Sra Prokuradora Lidia Soares iha Quartel Jeral PNTL gabinete Cadm PNTL.
Notas rekordadau durante enkontru ho komisariu nain rua Julio Da Costa Hornai, Faustino Da Costa, no officias Superior PNTL, Superintendenti Xefe Mateus Fernandes, no Superintendenti Xefe Carlos Almeda Jerónimo iha Gabinete Komandante Jeral PNTL nota akuzasaun hosi Sra. Prokuradora Angelina Jezuinha Sladanha, dia 19 de Setembro de 2016.

Depois hein to’o fulan sanulu (10), Tribunal Distrital Dili notifika ba prosesu julgamentu ho intervensaun Tribunal singular ne’ebé iha loron 19 fulan Setembro 2016. Iha prosesu julgamentu ne’e diferente hosi julgamentu ne’ebé ha’u hasoru iha Tribunal movel iha Maliana iha 2014. Ida ne’e ofisial justisa mak halo prosesu inkireitu, agora prokuradória Sra Angelina J. S mak halo akuzasaun. Iha aulá julgamentu ne’e Sra. Angelina le’e nia akuzasaun katak ha’u abuzu de poder ho Tentativa. Iha ha’u nia laran, waooo estrañu. Akuzasaun ne’e hasoru ha’u bainhira ha’u halo servisu hanesan Diretur Nasionál ba Insituisaun foun, Polícia Sientifica Investigasaun Kriminal PSIK ka ema koñese hanesan Polícia Judidiciariu Timor Leste nian, ne’ebé foin mak harii formalmente iha loron 30 fulan Janeiro 2015 iha Salao Nobre MNEC, Premeiro Ministro hosi V governu Konstituisional Maun Boot Kay Rala Xanana Gusmão mak nomeia no halo tomada depose ba ha’u nu’udar premeiru Diritur Nasionál, no xefe departementu ho investigador no peritu sira. Depois tomada de pose ne’e, PSIK bele hahu funsiona iha Estadu RDTL iha loron 1 fulan Febreiro 2015.
_______________________________
Diretór Nasionál no Ajente Polísia Sientífika ba Investigasaun Kriminál Timor-Leste (PSIK) Simu Pose, loron 2 fulan – febreiro Tinan 2015, http://Timor-leste.gov.tl/?p=111178
despaisu No 116/MJ/VI/2014 Asinado hosi Sr Dionisio Babo Soares PhD Ministro da justisa.

Iha aulá julgamentu, sra Prokuradora Angelina kontinua le’e nia akuzasaun ne’ebé relasiona ho prosesu selesaun ba kandidatu Investigador estajiariu nain 30 hodi tuir formasaun baziku investigador nian hodi sai nu’udar membru PSIK. Depois nia le’e tiha hotu akuzasaun ne’e, Sra Juiza prosesu, Dra Maria Modesta A. Viera permite ha’u hodi hatan ba akuzasaun sira ne’e, loos ka sala. Entaun ha’u hatan katak prosesu selesaun ne’e la’os inisiativu pesoal, maibé tuir despaisu legal hosi Sr Deonisio Babo Soares hanesan Ministro da justisa iha loron 12 fulan Jullu 2014 hodi halo prosesu rekrutamentu ne’e. Iha despaisu ne’e mós establese tiha ekipa jurí ida ne’ebé Sr Francisco Carceres hanesan Diretor Jeral ministériu Justisa iha tempu ne’eba, mak hanesan prezidente Júri hodi inisia selesaun ba dokumentu no to’o halo ezame eskrita ba kandidatu 307, iha ezame ne’e nain 196 mak pasa. Iha ekipa jurí ne’e inklui mós Assessor Portugueses nain rua; sr. Carlos Liz Rodriques, no Sra Paula Filipe. Assessor nain rua ne’e hosi Polícia Judiciario Portuguese (PJ), rekrutado hosi Ministro da Justisa hodi mai hahu halo Lei ba forma PSIK, no mós halo seleksaun ba kandidatu sira. Bainhira iha mundansa hosi V governo ba VI governo entaun iha mós mudansa ba membru governo Sr. Ivo Jorge Valente nu’udar Ministro da justisa, no Direitor Jeral foun ba ministériu da justisa mak Sr Herique Ximenes, no mós Assessor Portuguesses nain rua ne’e fila ona ba Portugal entaun afeta ba membru ne’ebé constitui ekipa Jurí ne’e. Nune’e mós ekipa Jurí ne’e establesido antes PSIK formalmente establese hanesan Instituisaun Estadu ida iha RDTL.

Prosesu selesaun ne’e hahu fila fali, depois inagurado Diretor Nacional PSIK, inisia enkontru hodi reuni xefe departementu sira PSIK nian hotu hodi diskuti materia prinsipal sira hodi hamosu dokumentu planeamento ba instalsaun institusional PSIK nian 2015 – 2017. Entaun iha dokumento planeamento ne’e materia importante ida mak kontinua prosesu selesaun ba kandidatu sira investigador estajiariu sira ne’ebé paradu tiha. Nune’e aprezenta proposta ba Ministro justisa foun Sr Ivo Jorge Velente hodi kontinua prosesu ne’e.

Iha fulan Marsu Tinan 2015, Sr Ivo J. V ne’e hasai despasho No.07/GMJ/III/2015 autoriza kontinuasaun prosesu selesaun ne’e. Iha despaisu ne’e mós nomea DN PSIK nu’udar prezidente Jurí. Iha loron 17 fulan Abril 2015 ekipa de juri enkontru ba dahuluk nian, presente iha enkontru ne’e membru jurí efetivu no suplente sira hotu hodi aprova rekijitu hotu hodi kontinua prosesu selesaun ba kandidatu sira ne’e. Inklui iha rekijitu ne’ebé aprovadu iha enkontru ne’e mak Rezolusaun do governu No.16/2013, 10 de Jullu ‘Extinção Arte Marsiais PSHT KORK no KERA SAKTI iha Teritorio Timor Leste.

Dokumento Planemento instalasaun Instituisional PCIC 2015-2017 entrega ba Ministro da justisa Ivo Jorge Valente, no kopia mós ba Ministro Planeamento no Investimento Estrategico Maun Boot Kay Rala Xanana Gusmão. Tuir Nota akta enkontru Jurí nian 17 fulan Abril 2015 ne’ebé hanesan dokumentu evidensia aprezenta ba Tribunal Distrital Dili.

Iha prosesu kontinuasaun selecsaun ba kandidatu nain 196 ne’ebé passa hosi ezame eskrita, nain 163 mak aprezenta ba tuir ezame fisiko no nain 88 mak passa ezame fisiko. Bainhira iha faze ida ne’e ekipa de juri mós simu ona informasaun hosi socidade katak iha kandidatu sira balun involvidu iha Grupo Arte marsiais PSHT, KORK no KERA SAKTI no eis membru milisia integrasaun. Entaun Equipa de Juri reuni no aprova ekipa suplenti hodi tuun ba halo evaluasaun no verifikasaun ba kandidatu 17 ne’ebé deskonfia involve iha Arte Mariciais tolu no milisia ne’e. Bainhira ekipa ne’e iha terreno ne’ebé kandidatu sira hela ba, xefe Aldea no Xefe Sucos halo deklarasaun eskrita katak iha nain 4 mak la involvidu arte marsiais 3 ne’ebé tuir rezolusaun governo ne’e hatete. Iha nain 13 involve; Nain 10 involve iha PSHT, 2 Kera Sakti no nain 1 KORK. Nain 3 hosi nain 10 ne’ebé involve iha PSHT ne’e ida Naran Luis Ribeiro hosi Fatumasi Bazartete, hanesan eis membru milisia Besih Merah Putih (BMP), nia Maun mak Fernando Rebeiro eis Komandante Posto BMP ‘DALBO’ iha Fatumasi, no nia Aman Uluk militar Indonézia TNI, no nia Maun Rogerio Rebeiro militar TNI ativu iha hela Indonézia.

Bainhira iha loron 4 fulan Setembro 1999 resultadu referendum 86 % povu Maubere vota ba ukun rasik aan, Luis Rebeiro ho nia familia tomak halai ba Indonézia Atambua, no nia foin fila mai Timor Leste iha 2008. Ida fali naran Januario Pereira de Jesus mós hanesan, halai ba Indonézia ho nia familia tomak iha Setembro 1999, no iha 2001 to’o 2013 nia sai nu’udar Polisia Republika Indonézia POLRI Brimob Marina iha Polda Bali, nia kaben mak Sra Lidia Soares ne’ebé servisu hanesan prokuradora iha gabinete prokurador jeral repúblika. Bainhira Januario P. Jesus presta nia deklarasaun iha aulá julgamentu nia rekoinese katak nia mai tuir rekrutamentu ba kandidatu investigador ba PSIK tanba hetan kontaktu hosi nia kaben hosi Dili ba nia iha Bali Indonézia. Ida seluk fali mak Carmo Adriano dos Santos Melo kondenado ho prizaun preventiva hosi Tribunal distrital Dili iha loron 15 fulan Novembro 2011. Oinsa mak ema sira ne’e bele liu iha seklesaun Investigador PSIK, hare ba antesidentes sira nian perigoju tebes ba establidade Estadu.

Tuir Luis Ribeiro nia deklarasaun iha julgamentu iha 30 de Setembro 2016 iha Tribunal Distrital Dili hanesan testamuña, no mós deklarasaun Sekretario nurep Rusa Fuik ninian ba Luis Ribeiro no nia familia involvidu iha Besi Merah Putih iha Bazartete. Arkivu dokumentu pesoal fotografia Militari Brimob POLRI hosi Sr Januario de Jesus Pereira, dokumento ne’e mós prova nia kaben mak senhora Lidia Soares. Tuir deklarasaun ne’ebé Januario Pereira de Jesus hato’o iha aula julgamentu Tribunal Distrital Dili iha dia 30 de Setembro 2016 tuku 2.30 lokraik, nu’udar testamuña.

Relatorio ekipa verifikasaun ba kandidatu sira iha tereno.
Ha’u kontinua argumenta katak akuzasaun hosi prokuradora Angelina J. Saldanha ne’ebé dehan ha’u abuzu poder laloos tanba nia dehan ha’u lori ha’u nia interese individual hodi aumenta tan rekejitus Rezolusaun No. 16/2013 10 Jullu Extenção arte mariciais PSHT, KORK, no KERA SAKTI ne’e ho intentsaun diskriminativu ba kandidatu sira.

Ha’u esplika, faktu loloos mak tuir orientasaun konstituision RDTL ne’ebé PSIK tenke kumprementa iha artigu 147 pontu 1, ‘ A polícia defende a legalidade democrática no garante a segurança interna dos cidadãos’. Entaun rezolusaun governo no.16/2013 extinção arte marsiais tolu ne’e nu’udar materia legalidade demokrátika ne’ebé lojikamente PSIK iha obrigasaun hodi defende. Nune’e mós ha’u argumenta katak desijaun ne’ebé hodi elimina kandidatu nain 13 ne’e mós nudár desijaun koletiva jurí nian, desijaun ne’e meresidu tuir orientasaun legal ne’ebé hakerek iha Dekreito Lei No. 15/2014 de 14 de Maio Alterado hosi No.21/2014, 6 de Agusto iha nia preambulo no nia iha Artigu 3 hatete a PCIC defende a sociedade no a legalidade democrática’.35 Entaun orientasaun lei, no intereses Estadu RDTL nian, la’os ha’u nia interese individual.
__________________________________
Konstituisaun RDTL 20 de Maio de 2002, Artigu 147 pontu 1, A Polícia defende a legalidade demokrátika no grante sigurança interna dos cidadõs, p. 55
35 Dekreito Lei no. 15/2014, 14 de Maio alterado dekreito Lei no 21/2014, 6 de Agustu Lei organika PCIC, iha nia preambulo no nia artigu 3 kona ba misaun PCIC nian, p. 2
36 Dekrieto Lei No.15/2014, 14 de Maio, et all, p. 2

Ha’u fundamenta tan katak, prosesu rekrutamentu nu’udar prosesu administrativu internal PSIK nian tuir Lei organika PSIK ne’ebé hatete; maske PCIC organizadu hierarkiamente dependente ba Ministro da Justisa, maibé nia iha autonomo administrativu finanseiru no patrirmonial. Entaun DNPSIK iha kompetensia hodi toma desijaun ba despesas, asunto rekursus pesoal, administrativu no finanseira no mós patrimonial, hodi funsiona aktividades PSIK nian.
Nune’e mós haktuir prinsipiu konstitusional; ‘A polícia sendo Rigosamente Apartidaria’ ne’ebé ensensial no fundamental ba harí integridade instituisional PSIK nian, entaun prinsipiu ne’e nu’udar obrigasaun ne’ebé tenke interega kedas iha inisiu prosesu selesaun kandidatu sira ne’ebé kompete tama mai PSIK signifika investigador sira tenke livre hosi grupus Arte marsiais ne’ebé extinção ona tuir orientesaun legal sira hosi Estadu RDTL. Hodi nune’no Investigador sira obedese de’it ba servi Estadu RDTL no garante seguransa interna sidadaun sira nian, nen atu partidaria ba grupu Arte Mariciais ilegais ka politika rai seluk nian ne’ebé sei implementa aktu subersivu hasoru Estadu RDTL. Prinsipiu ne’e tenke hatur kedas iha inisiu prosesu seleksaun investigador polisial sira tanba instituisaun ne’e instuisaun Polsial entaun tenke hari, dezenvolve ho di’ak no kredibel, ho integridade aas, prosesu ida ne’e tenke hahu kuda kedas iha faze inisiu instalasaun instituisional polísial ne’e, ne’ebé tenke hahu agora la’os aban.

Depois ha’u resposta no argumenta tiha hotu Sra prokuradora Angelinha J. S. nia akuzasaun ne’e, Sra Juiza Dra Maria Moedesta V halo preguntas klarifikasaun balun, no advogado Dotour José Manuel Gutterres halo tiha inkrisaun ba ha’u, inkrisaun ne’ebé advogado halo ne’e nu’udar kontra argumentu hasoru akuzasaun sra Prokuradora nian. Nune’e aulá julgamentu ba faze premeiru termina iha loron ne’eba.

Iha faze tuir mai mak Tribunal notifika testamuña sira, iha aulá julgamentu tesamunhas sira nian, ha’u tenke presente. Aulá ba rona testamuña sira hahu hosi loron 30 fulan Setembro, 20 no 28 fulan Outubru, iha loron 17 fulan Novembro, no to’o alegasaun final iha loron 22 fulan Dezembro 2016. Iha alegasaun final, iha aulá julgamentu Sra Juiza direitu Dra Moedesta permite Sra Prokuradora Angelinha J. Saldanha hodi halo alegasaun final hasoru ha’u. Nia le’e tiha nia alegasaun, no referenia akuzasaun ne’e balun ba testamuña sira nia depoimento iha aulá julgamentu nian, no to’o nia rekomendasaun, nia husu ba Tribunal hodi hatún desijaun Prisaun tinan ida no suspensaun tinan rua ba ha’u. Bainhira ha’u rona alegasaun final ne’e, ha’u doko ulun hateke tiha ba Magnetisma prokuradora ne’e, ho lian neneik ida mai hosi ha’u nia laran, ha’u lafiar sra bele ka’er lia loos ka justu iha Rai Lulik ida ne’e.

Depois Juiza rona alegasaun final ne’e, Dra Juiza permite advogadu Dr José Manuel Gutterres hodi halo kontra alegasaun prokuradora nian ne’e. Ho nia matenek tomak, nia argumenta katak prokuradora nia akuzasaun la iha no neen priense kriteria hodi akuza ho penal ne’ebé aprezenta dadaun, tanba prova hosi deklarasaun arguidu nian, dokumentu ne’ebé aprezenta ona ba Tribunal, no deklarasaun ne’ebé testamuña sira aprezenta iha aulá julgamentu ne’e hatudu katak arguidu defende intereses no objetivu Estadu nian, mak defende legalidade demokrátika ESTADO RDTL nian. Hanesan mós deklarasaun públiku, Dotour José refere ba sr Jeneral Lere Anan Timur nia deklarasaun iha media; dehan Arte marsiais tolu PSHT, Kork no Kera Sakti ne’e sai amaesa ba establidade Estado nian. Nia kontinua argumenta katak, Sr arguidu iha esforsu hodi hadiak fali failansu ka sala sira ne’ebé halo hosi ekipa jurí uluk nian. Nune’e mós kazu ne’e la’os kazu krime, tuir loloos prokuradora ne’e hatene, kazu ne’e kazu administrativa, mas tanba sa mak sra prokuradora ezije loos hodi foti ba prosesu kriminal, Doutor José M. Gutterres pregunta. Nota alegasaun final hosi advogadu Dr José Manuel Gutterres iha aula julgamentu iha loron 22 fulan Dezembro 2016.

Dotour José M Gutterres kontinua argumenta tan katak tuir loloos kazu ne’e tama iha prosesu administrativu. Maibé Prosessu administrativu mós la priense kriteiriu tanba tuir lei prosessu administrativu nian hatete; kuandu kandidatu sira la satisfas ba desijaun ne’ebé ekipa juri selesaun nian halo, entaun kandidatu sira ne’ebé afetadu bele halo reklamasaun ba ekipa jurí ne’e. Maibé kandidatura sira la halo reklamasaun, sira halo de’it rekerementu ka keixa ba Ministru da justisa no kopia keixa ne’e ba prokurador Jeral da Republika, entaun tuir prosesu administrativu aktu ne’e la valé.
_________________
Dekreito Lei No.32/2008 loron 27 fulan Agostu, Artigu 71 Reklamasaun, p.58

Dotour José M Gutterres kontinua argumenta, tanba prosesu administrativu ne’e mak ikus mai Ministro justisa suspende tiha prosesu selesaun ne’e. Depois anunsia iha Jornal Diario loke fila fali, mós testamuña sira konfirma loke fali prosesu ne’e iha aulá julgamentu, hodi bolu fali kandidatu sira ne’ebé elimina tiha ba kontinua prosesu selesaun, entaun Dr José M Gutterres fundamenta tan katak la iha ka néen ema ida mak hetan nia direitu violado ka sofre hosi prosesu ne’e, entaun sra prokuradora mak abuzu poder. Iha fenonena ida ne’e Sra Angelina J. Saldanha responde ho emosaun aás, ko’alia nakdedar hanesan tolan kabén latún hodi responde ba advogado nia depoimento ba alegasaun final ne’e. Hare ba fenomena ne’e, Dra Juiza intervein hodi dehan katak aulá julgamentu ba alegasaun final remata. Nó Dra juiza ordena iha loron 5 fulan Janeiro 2017 arguidu mai hodi rona akordaun, bainhira Dra Juiza hamrik hodi hakat sai hosi meja, hot- hotu iha aulá julgamentu hamriík. Maibe Sra Angelinha J Sladanha oin mean, no kosar sai, hateke ba advogadu ho ha’u matan ikun de’it. Dotour José nu’udar ema ida ne’ebé madúru no profesional tebes, nia hakat ba ka’er liman ho Sra Angelinha hodi dehan, ita nia servisu mak hanesan ne’e. Senhora Angelinha sei nafatin hatán ho kakorok nakdedar.

Iha loron 5 fulan Janeiro 2017, ha’u preparadu hodi ba simu desijaun final iha Tribunal, maibé simu telefone hosi ofisial justisa, ho laran kalma ha’u rona telefone ne’e, lian hosi sorin balun hatete katak Sr (ha’u) lalika mai ona Tribunal, sr hein de’it notifikasaun hosi Tribunal. Ha’u hein, depois iha 18 fulan Janeiro 2017 simu telefone hosi Dr José Gutterres dehan katak ita simu ona desijaun final hosi Tribunal no resultadu Absolvesaun ba ita (ha’u) hanesan arguidu. Dala ida tan ha’u livre ka manan hosi akuzasaun ne’e. Ho lian neneik ha’u dehan agradesé ba esforsu defende lia loos ka justu, bele sofre no terus maibé sempre manan iha loron ikus tanba lia loos ka justu sempre loos.
______________________________________________
Nota desijaun hosi Tribunal Distrital Dili Of. N. 104859.
Jornal Diario publikado iha Kuarta feira 23 fulan Setembro 2015, http://www.jndiario.com/2015/09/23-ezenora hosi psik

Iha prosesu daruak ne’e, bele nota ona hahu hosi prosesso investigasaun, akuzasaun no to’o mai alegasaun final, iha involvimento entidades politiku no ofisial judisiariu iha prokuradoria nian halo ona konspirasaun. Sr. Longuinhos Monteiro Ministro Interior halo intervensaun ba prossesu ne’e. Bainhira ha’u simu despaisu akuzsaun hosi ministériu públiku, Mr Long telefone kedas ba Doutor juiz ida hodi dehan katak; dotour juiz, ita boot buka tók Superintendenti Xefe Hermenegildo nia antesedentis kriminal manda mai hodi ha’u halo demisaun ba nia hosi PNTL. Dotour juiz ne’e resposta ba Mr Long katak ida pozisaun politika nia uluk asumi hanesan DNPSIK mak imi konkalikon konspira hodi manobra, maibé ida nia tau farda ne’e Tribunal bele halo de’it desijaun tuir prova no lia loos ka justu, Dr juiz ne’e ema ida defende prinsipiu lia loos ka justu ne’e, matenek no krediblidade aás, lakohi afavor ba konspirasaun ne’e.

Cospirasaun – Ezenorasaun DNPSIK
konspirasaun nu’udar aktu ida hosi konspirador sira halo ho hanoin iha sira nia kakutak hodi halakon, hamate vida ema ida nian, hases ema ida hosi nia pozisaun tanba ema ne’e la konkorda ka la aseita estratejia politika hosi konspirador sira nian ne’ebé sira nia objetivu inkonstitusional. Iha loron 18 fulan Setembro 2015, ha’u simu despaisu ezenorasaun hosi pozisaun DNPSIK hosi Premeiro Ministro VI governu nian Sr Rui Maria de Araújo. Iha despaisu PM nian ne’e refere ba paraser hosi konsellu superior PSIK nian ne’ebé halo iha loron 9 fulan Setembro 2015. Komposisaun hosi membru CSPSIK ne’e mak Sr. Ivo Jorge Valente Ministro justisa hanesan prezidente ba CSPSIK, membru Sr Longuinhos Monteiro Ministro Interior, Sr Cerilio J.J.V. Cristovão, no Konvidado mak Sr José Ximenes prokurador Jeral. Kompozisaun loloos latuir orientasaun Lei organika PSIK nian ne’ebé hatete iha Artigu 28; Ministro da justisa ne’ebé prezide CSPSIK, Ministro Defesa no Siguransa, Diretur Nasionál PSIK, Diretur Adjunto, Xefe departemento INTERPOL, Xefe Departemento Laboritorium Sientifika, Xefe Departemento Apoio, no Xefe Gabinete Inspecsaun no Disciplina. Maibe Sr Ministro justisa la konvida DNPSIK, no xefe departementus sira PSIK nian la partisipa, entaun iha ne’e pareser ne’ebé hato’o ba PM ne’e la iha krediblidade, no la tuir lia loos ka justu. Nune’e mós materia ne’ebé konspirador sira hodi lori ba PM ne’e mak kestaun ida ne’ebé sira lori to’o ba iha Tribunal Distrital Dili, ne’ebé Sr prokurador Jeral Republika fó orden ba Sra Angelina Saldanha hodi halo akuzasaun ba abuzu de Poder no tentativa, julgamentu ne’e ha’u manan, no Tribunal absolve ha’u hanesan arguidu ba kazu ne’e. Despaisu n.0 026/2015/IX/PM publika iha loron 15 fulan Setembro 2015, gabinete PM. Maibé akuzasaun ne’e manifesta konspirador sira nia forma ida hosi esforsu hodi taka de’it aspetu hirak ne’ebé loloos hodi halo sira túr mós lametin iha poder politika. Aspetu hirak ne’e mak tuir mai. Dahuluk mak ha’u aprezenta karta eskrita ba Sekretario Jeral INTERPOL (Internasional Police) ne’ebé nia sekretariado iha Lyon Franca hodi husu katak iha Estadu membru Timor Leste nia ofisial INTERPOL ne’e hira. Ha’u aprezenta karta eskrita ne’e hanesan obrigasaun ida hanesan diretur nasional PSIK hodi hatene tuir fundamento legal ba elegibilidade individu sira ne’ebé bele ka’er passaporte no kartaun Indentidade INTERPOL. Entaun resposta hosi SJ INTERPOL iha Lyon dehan iha ona Timor Oan hanesan Sr Longuihos Monteiro, nia ka’er passaporte no ID INTERPOL hahu kedas tempu nia sei prokurador Jeral, Komandante Jeral PNTL to’o mai Ministro do Interior, ida fali mak sr Cerilio José Jacob Valadares Cristovão sei hanesan Diretor Servisu Intelegensia Nasionál SNI to’o mai Ministro Defesa, no Sr Francisco Da Costa Gutterres bainhira nia sei hanesan Sekretario Estadu Seguransa nian. Tuir Lei, INTERPOL Travel Document Security Charter ne’ebé hatete iha nia artigu 4 iha pontu b, ema sira ne’ebé eligibel hodi hetan passaporte ho ID Interpol, mak; All Head of Law Enforcement Agencies, Head of NCB, staff of NCB/Investigators, and other government official designated by Head of NCB.42 Chefia ba agencia enforsa da lei sira, ka chefi polisia sira, Chefi Interpol (NCB) nasaun nian, Staff NCB ka Investigador INTERPOL nian, no ofisial seluk governo nian maibé tenke designado ka apravdo hosi chefi INTERPOL Nasaun nian tuir objetivu principal INTERPOL nian. Objetivu principal hosi dokumento viajen ne’e hodi bele ajuda no fasilita viajen ba prevene, combate crimes tuir requremento membru Estadu sira, hodi responde ba krime maior/ boot; krime transnasional, no hodi foo formasaun, no viajen peritus sira nian hosi Estadu ida ba Estadu seluk iha prosesu Investigasaun Criminal nian. Nune’e mós iha Lei ne’e fundamenta tan katak dokumento viajen ne’e bele uja de’it ba cumpremento tuir INTERPOL nia objetivu no nia estatutu ofisial.

Entaun iha ne’e intende katak la’os entidade politiku sira ne’e mak hetan dokumento viajen passaporte no ID INTERPOL nian, ofisial tékniku investigador sira de’it mak iha elegibilidade.
_________________________________________
INTERPOL Travel Document Security Charter, Artigu 4, pontu b, https://www.interpol.int
NTERPOL Travel Document Security Charter, Artigu 5, https://www.interpol.int

Sekretario Jeral iha Lyon husu NCB INTERPOL DILI hodi aprezenta individu sira nebeé eligibel. Nune’e aprezenta tiha individu sira ne’ebé eligibel hodi hetan passaporte no ID INTERPOL, no senhores sira ne’ebé uluk hetan ona tuir desisaun SJ INTERPOL Iha Lyon terminado. Aspektu ida ne’e sai hanesan disturba boot tebes ba konspirador sira ne’ebé sira hatudu momos hodi hetan dokumento viajen INTERPOL nian uja ba sira nia interese individu ne’ebé la’os Estadu nian. Sekarik uja ba defende interes Estadu nian, entaun nusa mak sira labele halo kontaktu ho INTERPOL iha Jakarta no Lyon Franca hodi ka’er tiha ona fujitivus nain rua ne’ebé sai preokupasaun nasional hanesan Juga Gama ho Alcino Mendes ne’ebé ida arguidu ba trafikante dorga, ida fali arguidu ba krime organizadu, maibé’no sira labele halo ida ne’e.
Depois NCB INTERPOL Dili – PNTL entrega poder total mai PSIK, foin mak inisia halo kontaktus ho INTERPOL Jakarta hodi lokaliza Fugitivus nain rua, no kordena Sekretariado Jeral INTERPOL iha Lyon hodi publika noticia mean red notice iha situ INTERPOL nian. Entaun estratejia ne’ebé DNPSIK halo ne’e sai hanesan ameasas boot ba konspirador sira. Diak liu mak tenke hasai nia lalais hosi DNPSIK.
_________________________________
NCB Dili halo kontaktus ho INTERPOL Jakarta no Lyon iha Jullu 2015. https://www.interpol.int
Diariu Timor Post; Harii Unidade, justisa no Demokrasia, edisaun No. 08343315, sabadu 03 Outubru 2015, p.14.
Informasaun publicado iha wesite INTERPOL https://www.interpol.int

Bainhira konspirador sira alkansa tiha sira nia objetivu ho despaisu PM Rui nian, hodi exenora tiha ha’u hosi DNPSIK. Mr. Long telefone kedas ba nia kolega Sr Vicenti Fernandes Brito hanesan DNPSIK foun ne’ebé foin mak simu tomada de pose hosi Sr Ministro Estado no Presidencia Konselho Ministro Agio Pereira.45 Sr Vicenti F. B ne’ebé Sr Prokurador Jeral José Ximenes nia kamarada ne’ebé nia apoiu tebes no propoin hodi PM Maun Boot Xanana hili nia sai DNPSIK, maibé la hili, entaun tempu ida ne’ebé ha’u ezenora tiha ne’e hanesan oportunidade osan mean ba sira hodi hametin tan sira nia rede konspirasaun. Mr Long nia Orientasaun ba sr Vicente nu’udar DNPSIK foun, katak manda kedas hodi halo reativasaun ba nia Passaporte no ID INTERPOL. Mr. DNPSIK foun ne’e manda kedas departementu INTERPOL manda kedas karta ba Sekretariado Jeral INTERPOL nian iha Lyon Franca iha loron Kuarta 4 fulan Maio 2016 hodi husu ba SJ INTERPOL hodi reativa fali Passaporte no ID ba Mr Long M no Mr Cerilio J.J Critovao.46 Maibe koitadu, SJ INTERPOL nia resposta iha loron
______________________________________
informasaun publicado iha website Skretariado Jeral INTERPOL iha Lyon Franca, 200 Quai Charles de Gaulle. https://www.interpol.int
Karta despaisu Ministro Ivo Jorege Valente ba nomeasaun Xefe Departemento foun iha PSIK, inagurado xefe depatemento foun nain 6, informasaun publicado mós iha sitio ministériu justisa nian https://www.mj.gov.tl

06 fulan Maio 2016 tuku 6:35 kalan, dehan katak entidade sira ne’e la elegibel bainhira sira muda tiha ona sira nia possisaun, no sekarik, entaun tenke mai rasik iha Sekretariado Jeral INTERPOL Lyon Franca hodi processa. Tanba la konsege hetan resposta di’ak hosi SJ INTERPOL iha Lyon, Sr Vicente lasatisfas tanba orden hosi nia maromak Mr Long la realiza, entaun nia esforsu hodi hasai tiha Chefi NCB INTERPOL M. Francisco. Formalisa, nia ható proposta ba Mr Long nia amigu di’ak Mr Ivo J. V, no nia despaisu kedas hodi muda M. Francisco hosi xefe departemento INTERPOL. Sr DNPSIK foun ne’e demostra momos nia vontade hodi la defende interese Estadu RDTL nian, hanesan nia deklara iha Timor Post edisaun sabdu 03 Outbro 2015, katak; ‘Sr Vicente Brito deklara katak; nia la promete hodi esforsu ba ka’er Juga Gama ho Alcino Mendes’.

Ivo J. V foo kedas orientasaun ba Sr Vicente F B, katak labele no neen foo tan fatin ka kargu ruma ba M. Francisco wanhira Sr Ivo J. V sei hanesan exelencia Ministro justisa Timor Leste nian. Mr Ivo J.V mós lasatisfas ho resposta SJ INTERPOL iha Lyon, tanba nia eis prokurador Jeral ne’ebé Mr Ivo mós hanesan Vice prokurador Jeral iha tempu ne’eba. Nune’e duni mak Xefe NCB INTERPOL Dili M. Franciso bainhira ba tuir tiha programa INTERPOL ASEAN REGIONAL CONFERENCE halo iha Nepal. Execlencia MJ Ivo J V hasai lalais tiha nia despaisu hodi nomea fali J. Cursino mak sai fali Chefi NCB INTERPOL Dili, no formalmente tomada de pose iha loron 08 fulan Febreiru 2017.48 Maibe, tuir Dekreitu Lei No.15/2014, 14 de Maio hatete iha Artigu 39 iha pontu a ‘Koordenador investigasaun kriminal mak derije unidade’, iha pontu b ‘ Investigador Xefe mak derije chefi secção’.49 Sr. J. Corsino ne’e foin mak Investigador, sedauk formadu ba Investigador Xefe, no seidauk tan hanesan Cordenador Investigasaun Criminal hodi bele derije Departemento INTERPOL nu’udar Unidade Organiku PSIK nian.
________________________________________________________
Dekreito Lei No.15/2014, 14 de Maio, Lei organika PSIK, iha Artigu 39, p. 18, Jornal da Repúblika, Serie I, No.17
Gabinete do Komandante Jeral; Despaisu no.07/CG-PNTL/I/2015, iha pontu 2 ‘Concedida licença especial sem vencimento ao Superintendete-Xefe no.10108 – Hermenegildo Gonçalves da Cruz da PNTL com efeitos a partir de 01 de Janeiro de 2015 no com a duração da sua nomeação de serviço para o cargo de Diretor Nacional da PCIC.

Mr. Long mós la túr hakmatek hodi nafatin esforsu uja nia poder hanesan Ministro Interior ne’e hodi nafatin fó orientasaun ba komisariu PNTL nain rua hodi nune’no buka jetu oin – oin hodi lakoloka ha’u ba assumi pozisaun ruma iha PNTL, ne’ebé nia rasik deklara ba jornalista sira dehan nia ante Superintendenti Xefe Hermenegildo 100%. Ninia esforsu konspirasaun ne’e para halo nafatin presaun physicologia ba ha’u. Mr Long ne’e mafiasos, bainhira nia hanesan Komisario PNTL nian nia establese tiha ona nia rede iha PNTL, komisariu nain rua ne’ebé komanda hela PNTL ne’e nu’udar nia yes man ka cavalo mandado, hodi asegura nafatin nia orden inkonstitusional. Komisariu nain rua ho Inspetor Jeral Carlos Almeida Jerónimo buka hela jetu oinsa para hala’o prosesu disiplinar ba ha’u. Mas sira haluhan, bainhira Mr Long sira nia Maromak ne’e sei komisario PNTL halo despaisu no 7/CG-PNTL/I/2015 ne’ebé hatete katak; durante tinan 2 ha’u hala’o knara politika hanesan DNPSIK, la’os hanesan ofisial Superior PNTL, la ativu hala’o funsaun polisial no sem vencimento. Entaun orientasaun legal ne’e fó siginifikasaun katak durante tinan rua nia laran regulamentu disiplinar PNTL nian sei la aplika ba ha’u se karik sira konspira hodi akuza ha’u ba sala ruma ne’ebé sira inventa, ka karik, mós ha’u halo iha tinan rua ne’e nia laran. Nune’e dalan ba sira mak ida de’it halo rekursu hasoru Tribunal premeiru instansia nia desijaun ba absolve ha’u hosi kazu ne’e. Maibe, orientasaun Leis ba konspirador sira la’os kestaun. Importante liu mak esforsu ba hametin redi sira nian hodi ka’er nafatin autoridade politika iha rai Lulik RDTL hodi nune’no sira bele asegura sira nia intereses capitalismo hodi maximiza kapital finanseiru, no patremonial. Nune’e komissario nain rua obedese nafatin ba sira nia Maromak Mr Long to’o bainhira nia sei nafatin túr iha trono poder Ministro Interior nian.
Aspektu daruak, ha’u halo paraser juridiku kona ba konflitus Lei entre Dekreito Lei No.15/2014, fulan Maio Lei Organiku PSIK nian ho Proposta Dekreitu Lei 2015, Organico ministériu justisa nian. Tamba Lei organica ne’ebé aprezenta hosi Mr Ivo J. V hanesan Ministro da justisa foun iha governo VI, expresa nia intensaun politika ba hakolot minimiza tiha kompetensia PSIK nian ne’ebé hatete katak PSIK iha Outonomo Administrativu , Financeiro no Patremonial tuir Argitu 2 Lei organika PSIK nian ne’e, mabe hatuun tiha ba administrativu Tekniku de’it. Intende iha ne’e katak, PSIK nia kompentencia hanesan Instituisaun polisial ne’e minimiza tiha nia poder ba maneja pesoal, finanseiru, patremonial. Hare ba kestaun ida ne’e, hanesan DN PSIK iha obrigasaun halo paraser juridiku ida ba Mr. Ivo J.V. Ojetivu pareser ne’e hodi HAROMONISA tiha konflitus Lei ne’e, maibé Mr. Ivo J.V ne’e Arogante tebes la tau ba kestaun, la importa, entaun hato’o tan paraser Juridiku ba dala rua no ba tolu nian, la importa nafatin, ha’u ho xefe Departemento ADJR Adino Nunes Cabral 51 (fin de 2016 nia nomiado Adjunto PSIK) Mr MJ Ivo J. V nia Primu rasik ba enkontru direitamente ho Mr Ivo, iha enkontru ne’e Mr Ivo ho autoridade nakonu orienta kedas nia Xefe Departemento Legislasaun Nelino Vital ho Assesor Portuguesa Joao hodi hare ida ne’e, mas to’o ikus ha’u hetan informasaun dehan katak kestaun konflitus lei ne’e la resolve tuir Adino Nunés Cabral Mr Ivo J.V nia Primu rasik. Adino ho nia familia tomak halai ba Kupang iha loron 4 Setembro 1999, rona resultadu Referendum, no Aman sei nafatin TNI Ativu to’o agora, Adino nu’udar membru ativu UNTAS iha Kupang. Iha 2011 Adino foin mak fila hosi Atambua mai husu servisu hanesan assesor iha MJ, pois iha 2012 ba tuir formasaun Investigador iha Centro Formasaun Polisia Judisial Portugal. Iha inisiu 2016 proposta hosi DNPSIK Vicenti FB ba Mr Ivo J.V hodi Adino nomeadu hanesan Adjunto DNPSIK.

Paraser ne’ebé PSIK hato’o, nafatin tuir Mr Ivo nia intensaun politika mal fe hodi haklot PSIK nia autoridade. Proposta Dekreitu Lei MJ ne’e aprezenta ba konsellu Ministro no aprovado.
Entaun iha alternativu seluk, mak ha’u haruka paraser juridika ne’e ba Excelencia Maun Boot Kay Rala Xanana Gusmão hodi husu nia observasaun, tanba Maun Boot Xanana sei PM nia mak aprova Lei organika PSIK nian no Promulga hosi Maun Boot PR Taur Matan Ruak, nune’no maun boot nain rua hatené didiak Dekreitu Lei ne’e. Iha loron 20 fulan Juilho 2015 Maun Boot Xanana resposta haruka direitamenta ba DNPSIK no kopia mak ba Sr Ministro Estado no Koordenador Administrativu no justisa Sr. DR Dionisio Babo Soares no Mr Ivo J.V. Maun Boot nia resposta ne’e dehan katak; consultadas Lei Orgânica PCIC no 15/2014 de 14 de Maio , no Proposta Dekreito Lei, Orgânica MJ 2015 no consultadas Código Civil no ponto 3 Artigo 6 A lei geral não revoga a lei especial, excepto se outra for a intenção inequívoca do legislador, – Resposta Maun Boot nian ne’e conclui katak ‘a PCIC mantém inequivocamente a sua autonomia administrativa, finanseira no patremonial, tanba Lei PSIK ne’e lei especial labele revoga hosi lei jeral.53 Resposta Maun Boot XG nian ne’e halo Mr. Ivo J.V down kedas, physicologicamente nia senti trauma, entaun ezenorasaun DNPSIK manifesta nia sentimentu ne’e.
____________________________________________________________
Karta Paraser Juridika ba Maun Boot Xanana, Karta No.106/PCIC/DN/VI/2015, 29/06/2015.
Resposta Maun Boot Xanana nian ba DNPCIC nia karta paraser Juridiko Lei organika PCIC nian ho Lei organika MJ, Gabinete do MPIE, No.Ref:051/GM/MPIE/VII/2015.

Aspektu datolu mak Investigasaun Criminal ba Drogas no Money Laundering, no Frauda Agravado. Bainhira PSIK investiga Suspeito Chinesa ida naran Rickhy L no Melani Lang tanba Money Laundering ho Droga, depois ba buska no detein suspeitu nain rua ne’e iha Manleuana no depois iha loron ne’e kedas, tuir prova ne’ebé investigador sira hetan ema ne’e
25

haruka osan ba nia rain kada semana $40.000, iha nia fatin INTERNATIONAL GROUP Ld nakonu ho Computodres instalado, maibé iha Kumpania ne’e ba fabrika Agua Potavel, mas iha laran sira hala’o aktividades seluk, faze osan no faan drogas. Iha situasaun ida prosessu investigasaun la’o hela, ha’u simu telefone ida hosi Cmdt UEP Afonso. Dos Santos. Nia dehan Sr Diretor ema ida ita nia labarik sira ka’er ne’e sempre ajuda PNTL, entaun ha’u husu, ajuda oinsa nian, PNTL nu’udar Instituisaun ne’e ka PNTL nu’udar individu ne’e, no ha’u dehan tan sekarik PNTL ida nu’udar Individu ne’e entaun prosesu tenke ba to’o Tribunal. Senhor ne’e kal tolan kaben mós latuun, kala orientasaun ne’ebé nia simu hosi nia Maromak hodi kontaktu ha’u ne’e, entaun nia dehan Diretur tuir ita nian hanesan ne’e pregoju liu ba ita (ha’u). Notas recordadu hosi INTERPOL Seul, no relatorio PSIK nian publikadu iha A Voz de Timor Lorosae, Sesta 25 Setembro 2015, p, 1 – kontinua iha p, 15.

Kazu ida fali mak Frauda Agravado ne’ebé NCB INTERPOL Seul, Korea do Sul halo kontaktu ho NCB INTERPOL Dili, husu kona ba individu Timor Oan balun ne’ebé ida hanaran aan hanesan R Lemos, no J Piedade. Nain rua ne’e ba hanaran aan ida hanesan Vice Ministro Obras públiku, no ida fali aprezenta aan hanesan Emprejario boot iha Dili. Entaun sira ba visita iha Seul, promete ba emprejario Koreano nian ida dehan ita boot bele ba Timor hetan projeito konstrusaun Auto Estrada 132 Km iha Costa Soul.

Entaun Koreano ne’e selu osan viajen nian, hotel, no foo osan cash US$ 5000 ba J. Piedade iha airo Porto Seul, no transfere tan osan US$ 300.000 ba R. Lemos nia konta bankaria privadu iha BNU, no iha tan nota recievu ida ba R. Lemos ho montante US$ 300.000. Bainhira NCB INTERPOL DILI – PSIK simu tiha informasaun ne’e, aprezenta ba DN PSIK, orienta kedas halo prosesu investigasaun ba individu sira ne’e. Rona ida, R. Lemos halai lalais tuir tiha nia feen Artista KD ba Indonézia, no J. Piedade ne’e tuir prosesu investigasaun, nia deklara loloos tuir saida mak informasaun ne’ebé NCB INTERPOL Seul hato’o mai PSIK ne’e.

Sira nain rua ne’e tuur lametin, entaun sira nain rua ne’e ligasaun di’ak ho konspirador sira, esforso makaas hodi halo lalais exenorasaun ba ha’u hanesan DNPSIK. 55 Tamba R. Lemos ho nia feen KD ba pasiar haleu Atauro iha Tinan 2012, fasilita ho roo patrolia Lucia Tania PNTL Maritima nian hosi Mr Long bainhira se Komisario PNTL, entaun MR Long nia camarada R. Lemos iha susar laran, Mr Long tenke prontu ajuda liu hosi konvense PM Rui hodi halo exenorasaun lalais ba DN PSIK, nune duni bainhira Mr Long ho Mr Ivo JV hatama tiha pareser ne’ebé sira hanaran paraser CSPSIK ba PM Rui M A, sira ezije Gab PM iha parte Journal da Rupublica nian hodi públika lalais deciasaun ne’e iha Jornal Estadu nian ne’e, tanba tempu ne’eba Maun Boot Kay Rala Xanana iha hela Nove Yourke, ne’ebé antes fila mai desijaun publicado ona, sekarik ha’u ba hasoru karik tarde ona.
_____________________________________________________
Notas recordadu hosi resultadu investigasaun ne’ebé PSIK halo.
Autodefesa Hermenegildo eis DNPSIK hato ba PM Rui, publicado iha Tempo Semanal, www.temposemanal.com, publikadu mós iha A Voz de Timor Lorosae; Mata dalan ba Sosidade Livre, Sesta 25 Setembru 2015, p.1, – kontinua iha p.15, www.suara-timor-lorosae.com
Karta Resposta ba Autodefesa hosi PM Rui Maria de Araújo, No.1411/PM/IX/2015, data 22 Setembro 2015.

Maibe konspirador sira hanoin katak dalan seluk hodi responde la iha ona, tanba sira orguilho tebes ho sira nia manobra ne’e. Ha’u halo auto defeza no ba hasoru Maun Boot Xanana iha nia residencia bainhira nia fila hosi Nove Yourke, no Maun Boot dehan; lori ba justisa.56 Iha autodefesa ne’e mós, haruka ba PM Rui M A, no resposta hosi PM dehan; como xefe do governo, tomei a decisão como base no factos apresntados pelo CSPSIK,’.

Iha ne’e bele intende katak despaisu ne’e sai tanba materia aprezenta hosi CSPSIK ne’ebé Mr nain 4 ne’e mak halo. Materia ida ne’ebé Prokuradora Angelina Sladanha akuza ha’u, iha final Tribunal absolve, signifika CSPSIK ne’e aprezenta materia falsu ba PM. Nune’e mós antes ha’u ható atudefesa ne’e, ha’u esforsu liu hosi kontaktus ba PM nia gabinete hodi hasoru PM Rui M, A, maibé resposta ne’ebé ha’u simu PM dehan sibuk liu. Tuir loloos, DNPSIK ne’e nomeadu hosi Premeiru Ministro no tomada depose hosi PM, tuir Artigu 48 Dekreitu Lei no. 15/2014, entaun PM bele bolu DNPSIK hodi justifika saida mak aprezenta hosi Mr nain 4 ne’e tuir lia loos – justu, ka keta konspirasaun karik.

Aspektu dahát mak ha’u corekta sala ne’ebé Senhora Portugesa ida naran Graça Lima, ho Assesor Manuel Sieneiro, no rekruta Dotour Antonio Maher Lopez Fatuk Mutin ho Aquita Tama Laka hanesan Assesor ba Conceptual PSIK no ba Sistema Servisu Intelegencia. Sra Graca Lima ne’e nu’udar delegadu Institutu Camoes nian iha Dili ne’ebé mak sai hanesan implementador projeito Orsamento Uniao Europea nian ba halo formasaun Investigador no Peritus PSIK nian, no sosa mós equipamentos basico laboritorioun nian balun. Depois tomada de pose no inagura PSIK, sra ne’e aprezenta orsamento ne’ebé ajuda tiha ona ba PSIK iha total miliaun 2, no orsamento ba Sektor justisa miliaun 4 dollares Norte Americano. Entaun Estadu Timor iha rasik nia Oficial Autoridade Nacional NAO ne’ebé hare kona ba fundu UE, Deputy NAO Sra Madalena Hanjam marka enkontru ho ha’u DNPSIK hodi hare didiak implementasaun fundus hosi UE ne’e ba instala didiak Instiuisaun PSIK nian ne’e, inklui kontrato ba assesor hosi portugal mai halo formasaun kontinua ba investigador no peritus sira. Entaun iha ne’e, ha’u aprezenta katak kontratu assesor sira tenke diskuti didiak termo de referencia hare kona ba assessor ne’ebé atu mai ne’e iha kaulifikado duni, no prontu par atu halo formasaun, tenke iha comando ida hodi komanda. Iha tempu ne’e mós, ha’u ekontro ho Diretur Nasionál Policia Judisiario Portugal, no manda karta eskrita ba nia iha loron 4 fulan Juinù 2015, nia mós resposta hodi haruka karta ida ba Prezidente Institutu Camoes Professora Doutora Ana Paula Laborinho hodi konfirma oinsa prosesu tuir pedidu PSIK nian ne’e. Tuir pedidu DN PSIK katak Polisia Judiciario Portugal bele hare ofisial iha esperencia iha Koordenador, no peritus hodi bele sai hanesan assesor, formador iha area laboritorium seintifika, no investigasaun criminal nian.
_________________________________
Nota Corespondencia hosi DNPSIK Hermenegildo G. Da Cruz enviado ba DN PJ Sr José Almeida Rodrigis iha quinta-feira, 4 de Junho de 2015 1:58
Notas rekordadu hosi entkontro no kontaktus ho DN Polisia Judisiario.

Maibe derepenti de’it Senhor Manuel Sineiro Inspetor ida hosi Polícia Judiciario Portugal mak mai hasoru ha’u, ha’u dehan ha’u sedauk simu karta resposta hosi ita boot nia DN PJ. Entaun ita hein ha’u tenke hetan kontaktus hosi ita nia DN PJ iha Portugal. Maibe Manuel Sineiro ne’ebé senhora Graca Lima nia amigo di’ak, entaun tenke hetan kontaktu especial hosi sra ne’e hodi mai lalais, latuir kriteirious ne’ebé PSIK hakarak. Ha’u dehan ba Sr Sineiro katak ha’u hein karta ofisial pois mak ita processa oinsa. PSIK mós dezenvolve hela Termo de Referencia hodi halo selesaun.

Sra Lima nia atetude Clonialistas entaun nia impoin, no nia la satisfas. Hare ba atetude clonialista ne’e ha’u dehan ba Mis G. Lima ho Mr M. Sineiro, imi nain rua mai iha ha’u nia uma tenke tuku odamatan, ha’u loke ba imi nain rua, no ha’u sei foo lisensa ba mak imi tuur, foin mak ita ko’alia didiak ne’e tuir kustume Maubere nian. Mas ho atitude hanesan Clonialista ne’e, imi nain rua ba hasoru imi nia colonialista maluk.

Nune’e Mis ho Mr ne’e, senti hanesan rai lakan ida taá loos sira nain rua nina hirus matan, nune’no sira sai hosi sala DNPSIK nian ho oin mean, mas sira latuur nonok, liu kedas ba aprezenta no konvense Mr. Ivo J.V hodi bele realiza nia insatisfikasaun ne’e. 59 Hodi nune’no mosu akuzasaun ida DNPSIK komete Insubordinasaun maibé termo ne’e uja hodi manifesta Mr Ivo J.V nia apoio ba nia colonialistas maluk nain rua. Nune’e duni, depois Mr Vicente F. B hanesan DNSPIK foun Mr M Sineiro ho nia Mrs G Lima hetan fatin di’ak hodi controla PSIK hodi dehan ami (nain rua ne’e) mak mestri imi (investigador no peritus) nu’udar estudante no atan.

Rekrutamento Assessor nu’udar materia importante ida ba apoio faze instalasaun Instituisional PSIK nian, materia ne’e ha’u ba konsulta ho Maun Boot Xanana iha nia servisu fatin Hudilaran ne’ebé nia foin mak muda ba hanesan Ministro Planeamento no Investimentu Estrategico MPIE. Bainhira ha’u ba aprezenta dokumento planu PSIK nian 2015 – 2017, konsulta mós maun Boot Xanana nia hanoin kona ba Assesor, ne’ebé ha’u hato katak PSIK persija tebes assesor mas tenke Timor oan ne’ebé fuan moos no laran mós ba rai Lulik RDTL ne’ebé ema ne’ebé atu sai assessor ne’e tenke deste principio defende no luta ba soberania nasaun nian. Entaun ha’u hato’o naran rua, DR Antonio Maher Lopez Fatuk Mutin no Constancio Dos Santos Aquita Tama Laka, para ida apoio conceptual ba dezemvolvementu PSIK, ida fali ajuda instala Sistma servisu inteligencia PSIK nian. Maun Boot Xanana mós hatan. 60 Maibe, iha observasaun hosi konspirador sira katak prezensa ema nain rua ne’e nian hanesan assesor entaun sai ameasa boot ba rede konspirador sira instalado iha Instituisaun foun ne’e.
____________________
Dokumento Planeamento Instalasaun PSIK 2015-2017, apresentado ba Maun Boot Xanana iha nia servisu fatin Hudilaran

Aspektu ikus liu mak Akampamentu iha Foho Lulik RAMELAU. Nebe’no tuir ha’u nia diskursu iha tomada depose loron 30 fulan Janeiro 2015, ne’ebé ha’u hatete katak nu’udar ema ida hosi otas foun simu fiar ne’e hosi Maun Boot Xanana, ha’u sei haktuir no internalisa valores no prinsipiu Patriotismo no Nasionalismo ne’ebé hatudu hosi Ulun Boot no Aman Fundador Nasaun RDTL PR Nicolau Dos Reis Lobato, Maun Boot Xanana Gusmão, Maun Taur Matan Ruak, Maun Boot Lere, no Herois tomak ne’ebé foo sira vida tomak ba luta libertasaun Nasionál. Iha konkluzaun hosi diskursu ne’e, ha’u hatete ha’u hamutuk ho chefi departementu Investigador ho Peritus sira hotu ho esforso makaas hodi lori PSIK sa’e ba Foho Lulik RAMELAU tutun. Ho nune’no Akampamentu iha Foho Lulik RAMELAU nu’udar mekanismu ida hodi internalisa valores no prinsipiu Patriotismo no Nasionalismu ba Xefe Departementus no Membru PSIK tomak servisu iha instituisaun PSIK.
___________________________
Diskursu DNPCIC iha tomada depose iha Salaun Nobre ministériu Negosio Estrangeiros no Cooperasaun MNEC, loron 30 fulan Janeiro 2015.
Notas enkontru exetuivus DNPCIC ho Xefe Departementus, Seksaun no Brigada sira antes ba halo Acampamentu iha Foho LULIK RAMELAU tutun iha fulan Maio 2015.

Entaun realiza programa akampamento iha Foho Lulik RAMELAU nia tutun iha fulan Juinho 2015. Orientasaun ba kada Xefe Departementus, chefi Seksaun no Xefe Brigada PSIK ida – idak hodi hili heroi Libertasaun Patria ida hodi sai nia patrono. Sira estuda Patrono ne’e nia karakteristika heroismu nian, hodi nune’no promete iha kalan fahe rua iha tuku 12.00 iha Foho Lulik RAMELAU tutun hodi deklara aan halo tuir de’it valores no prisipus patriotismo no Nasionalismo ne’ebé patrono ne’e hatudu tiha ona iha luta libertasaun nasional durante tinan 24 nia laran.

Iha ne’e konspirador sira nia rede ne’ebé establesidu iha PSIK nia laran, relata katak DNPSIK integra programa faze kakutak doctrinasaun ba kaders medio sira, hodi nune’no redi ne’ebé establesidu sei rahun, no uut didiak iha loron ikus mai. Entaun konspirador sira ne’ebé deste prinsipu la defende ukun rasik aan no neen hatudu sira nia hirus matan ba hasoru kartus musan durante luta ba ukun rasik aan oportunista, entaun sira komese tuur la hakmatek. Nune’e ezonerasaun ba ha’u hosi DNPSIK ne’e sai kestaun importante no karisimu duni par konspirador sira tenke ejekuta duni, no sira konsege duni realiza.

Konkluzaun
Iha konkluzaun ne’e, Ha’u, justisa no konspirasaun kontestualiza duni iha mundu real ne’ebé ha’u nu’udar humanu hasoru, experencia tiha ona, no estuda klean oinsa defende lia loos ka justu ne’e la fasil mas la defisil. Tuir ha’u nia prinsipu ne’ebé ha’u kumunga ona katak defende lia loos ka justu sempre hasoru desjafius oin oin, sakrifisiu oin oin, maibé ha’u fiar no simu katak maske hanesan ne’e, to’o loron ikus Lia loos ka justu ne’e mak sempre loos. Nudar ita moris, hela no haan no hemu hosi Rai LULIK Timor Leste, Rai LAFAEK no ha’u nia Uma Lisan LEUSAGA nia esperitu sei no kontinua nafatin falun ha’u nia aan no fó nia iis hodi ha’u nia iis naruk nafatin hodi dehan, ALUTA CONTINUA VITORIA SEMPRE, tuir Maun Boot Xanana nia Lia fuan dehan ‘RESISTIR É VENCER’.63 Resisti hasoru injustisa hodi manan justisa. Hanesan Aman Fundador Nasaun RDTL Prezidente Repúblika daruak no Premeiru Ministro dahuluk, heroi boot Nicolau Dos reis Lobato dehan ‘ULTIMA VÁLA É AMINHA VITORIA, defende lia loos ka justu to’o maté tiha de’it ho kilat musan ikus nian mós vitoria ba lia loos ne’e sempre.
___________________________
Sarah Niner, The Autobiography of Xanana Gusmão, Aurora Book, 2000.

Referensia sira:
Livru sira;
Konstituisaun RDTL 20 de Maio de 2002, Artigu 30 Sidadania.
Codeco Prosesu Penal RDTL Dekreito Lei No.13/2005 1 Dezembro
Codeco Penal RDTL 7 de Junho de 2009, Artigu 167
Dicionario Lingua Portuguesa Justo, termo protuguese ne’ebé nia esplikasaun, Porto Editora, 2014, Sarah Niner, The Autobiograhpy of Xanana Gusmão, Aurora Book, 2000.
Dokumentu sira;
Data 25 de Outobru 2014 tuir notifikasaun ne’ebé Tribunal Distrital munisipiu Suai hato’o ba ha’u. Dia 05 de Janeiro mós tuir data notifikasaun ne’ebé hato’o hosi Juiza prosesu iha Tribunal Distrital Dili ba ha’u
Dekreito Lei No.13/2005 1 Dezembro – Kódegu Prosesu Kriminal RDTL, Artigu 48 Atribuisaun Kompetensia ministériu públiku nian iha pontu a, ..haruka halo prosedimento kriminal kuando iha rekezitu hotu-hotu kona ba lejitimidade..,
Dekerito Lei No.9/2009, Lei Organika PNTL Artigu 38 ‘Kompetencia Komandante Distrito’.
Dekreito Lei no. 15/2014, 14 de Maio alterado dekreito Lei no 21/2014, 6 de Agustu Lei organika PCIC, iha nia preambulo no nia artigu 3 kona ba misaun PCIC nian
Dekreito Lei No.32/2008 loron 27 fulan Agostu, Artigu 71 Reklamasaun, p.58
Despaisu Prokuradora / Majistrado Angelina Joanina Saldanha, NUC 0039/15.PG/GCC, 21 fulan Dezembro 2015
despaisu No 116/MJ/VI/2014 Asinado hosi Sr Dionisio Babo Soares PhD Ministro da justisa
Notisia notifikasaun MP simu hosi ofisial justisa iha loron 03 Dezembro 2015
despaisu n.0 026/2015/IX/PM publika iha loron 15 fulan Setembro 2015, gabinete PM
Diskursu DNPCIC iha tomada depose iha Salaun Nobre ministériu Negosio Estrangeiros no Cooperasaun MNEC, loron 30 fulan Janeiro 2015
Documento lejítima defeza Hermenegildo G Da Cruz nu’udar arguidu ba kazu ne’e, dokumentu ne’e aprezenta ba Tribunal movel iha Maliana munisipiu Bobonaro, dia 25 de Setembro de 2014, no durante julgamentu ne’e ha’u nia defeza hosi advogadu Dr. Manuel Gonçalves no Dr. Maurino Da Cruz.
Dokumento Planemento instalasaun Instituisional PCIC 2015-2017 entrega ba Ministro da justisa Ivo Jorge Valente, no kopia mós ba Ministro Planeamento no Investimento Estrategico Maun Boot Kay Rala Xanana Gusmão, entrega mós ba Ministro Estado Koordenador Administrativu no justisa no Ministro Administrasaun Estatal Dr Dinisio Soares Babo, Dr Rui Maria de Araújo Premeiru Ministro Gov VI
Dokumento Registo Visita Sra Prokuradora Lidia Soares iha Quartel Jeral PNTL gabinete Komandante Administrasaun PNTL.
Karta Paraser Juridika ba Maun Boot Xanana, Karta No.106/PCIC/DN/VI/2015, 29/06/2015.
‘Nota akuzasaun hosi Sra. Prokuradora Angelina Jezuinha Sladanha, dia 19 de Setembro de 2016
Nota desijaun hosi Tribunal Distrital Dili Of. N. 104859.
Nota Corespondencia hosi DNPSIK Hermenegildo G. Da Cruz enviado ba DN PJ Sr José Almeida Rodrigis iha quinta-feira, 4 de Junho de 2015 1:58
Notas enkontru exetuivus DNPCIC ho Xefe Departementus, Seksaun no Brigada sira antes ba halo Acampamentu iha Foho LULIK RAMELAU tutun iha fulan Maio 2015.
Ordem Directiva hosi Sr. Longuinhos Monteiro hanesan Komandante Jeral PNTL ba ezekusaun Rezolusaun Governu No.16/2013 Konaba extinsaun Grupu Arters Marisais PSHT, KORK no KERA SAKTI, no.210/CG-PNTL/VII/2013.
Relatorio Investigasaun Criminal PNTL iha Komandu Distrito Bobonaro halo prosesu Investigasaun ba membru PSHT nain 45 ne’ebé kapturado iha 18 Novembro 2013, depois fila illegalmente hosi Atambua Indonézia depois sira ba tuir graduasaun sa’e sabuk warga PSHT.
Relatorio ekipa Suplenti Jurí PSIK ba verifikasaun ba kandidatu sira iha tereno
Resposta Maun Boot Xanana nian ba DNPCIC nia karta paraser Juridiko Lei organika PCIC nian ho Lei organika MJ, Gabinete do MPIE, No.Ref:051/GM/MPIE/VII/2015.
Tuir Nota akta enkontru Jurí nian 17 fulan Abril 2015 ne’ebé hanesan dokumentu evidensia aprezenta ba Tribunal Distrital Dili.

Tuir Luis Ribeiru nia deklarasaun iha julgamentu iha 30 de Setembro 2016 iha Tribunal Distrital Dili hanesan testamuña, no mós deklarasaun Sekretario nurep Rusa Fuik ninian ba Luis Ribeiro no nia familia involvidu iha Besi Merah Putih iha Bazartete.
Tuir deklarasaun ne’ebé Januario Pereira de Jesus hato’o iha aula julgamentu Tribunal Distrital Dili iha dia 30 de Setembro 2016 tuku 2.30 Lokraik, nu’udar testamuña.
Jornal sira
Autodefesa Hermenegildo eis DNPSIK hato ba PM Rui, publicado iha Tempo Semanal, www.temposemanal.com
A Voz de Timor Lorosae; Mata dalan ba Sosidade Livre, Sesta 25 Setembru 2015, p.1, – kontinua iha p.15, www.suara-timor-lorosae.com
A Voz de Timor Lorosae, Sesta 25 Setembro 2015, p, 1 – kontinua iha p, 15
Diretór Nasionál no Ajente Polísia Sientífika ba Investigasaun Kriminál Timor-Leste (PCIC) Simu Pose, loron 2 fulan – febreiro Tinan 2015, http://Timor-leste.gov.tl/?p=111178
Diario publikado iha Kuarta feira 23 fulan Setembro 2015, http://www.jndiario.com/2015/09/23-ezenora hosi psik
Informasaun publikadu iha INTERPOL Jakarta no Lyon iha Jullu 2015 https://www.interpol.int
Informasaun Publikadu resposta Sekretario Jeral INTERPOL iha Lyon Franca, 200 Quai Charles de Gaulle https://www.interpol.int
INTERPOL Travel Document Security Charter, Artigu 4, pontu b, https://www.interpol.int
Notisia Media STL online 17 Outubru de 2014, www.http://stl.online
Proper. K. R, ‘The Conspiracy Theory of Society’ in conjunctures & Reputations: the growth of Scientific Knowledge, ed, New York, Routledge, 2002
Rezolusaun governu RDTL No.16/2013, 10 de Jullu Extinção Arte marsiais PSHT, KORK no KERA SAKTI iha teritorio Timor Leste, www.jornaldarepublica.tl.org
Timor Post edisaun Sesta Feira 26 de Setembro 2014, pagina 14

LEAVE A REPLY