Deklarasaun Offisial Governu Australia kona ba Asina Akordu Fronteira Marítima

0
104

AQA TIMOR – Ohin loron Ministra Negósius Estranjeirus Austrália nian, Julia Bishop, ho Ministru-Adjuntu Primeiru Ministru nian ba Delimitasaun Fronteira Timor-Leste, Hermenegildo Pereira, asina Akordu Entre Austrália no RDTL Estabelese sira-nia Fronteira Marítima iha Tasi Timor.

Akordu ida ne’e hanesan konkordánsia históriku ne’ebé mak loke kapitulu foun iha ami-nia relasaun bilaterál. Ida ne’e estabelese fronteira marítima permanente entre ami-nia nasaun no mos Rejime Espesiál Greater Sunrise nian ba dezenvolvimentu, esplorasaun no jestaun konjuntu ba área gás Greater Sunrise nian. Akordu ida ne’e refleta parseiru entre nasaun rua ne’ebé mak futu hamutuk iha área jeográfia no lasu profundo iha história ho amizade.

Hanesan belun di’ak no vizinho besik, Australia hakarak Timor-Leste bele atinji ninia potensial ekonomika. Ami hatene katak dezenvolvimentu Greater Sunrise buat importante loos hodi dezenvolve Timor-Leste. Ami fó obrigadu ba Komisaun Konsiliasaun independente ba ninia serbisu atu hetan opsaun dezenvolvimentu sira ba Greater Sunrise. Australia la iha preferensia konaba gazodutu ‘pipeline’ sei ba Timor-Leste ka Australia. Australia hakarak katak Greater Sunrise bele dezenvolve iha maneira ekonomikamente di’ak ne’ebe fó benefisiu barak ba Timor-Leste. Ida ne’e sei presiza apoio husi setor privado petroliferu, husi parceiru Joint Venture sira. Ninia kapasidade atu dezenvolve no jera projetu ida ne’e depende se viavel ekonomikamente ka lai. Ami sei serbisu nafatin no kontinua halo makas liu relasaun bilateral entre Australia ho Timor-leste.

Fontes: Embaixada Australia iha Timor Leste

LEAVE A REPLY