BNCTL sasin ba moris

0
1751

Aka Timor (DILI) – Iha dader Kmaánek loron matan sae haroman Kapital Dili, sidadaun ida-idak loke nia neon, hanoin moris aban bainrua nian.

La iha ona dalan seluk atu garantia moris naruk iha Rai bokur ida neé, haklalak iha mahon ida nian, haborus toó fuan, hodi husu ba áan rasik katak, se los mak bele garantia moris naruk ida neé.

Hanoin nakfilak imajina buat laek, maibe garantia moris nuúdar nesesidade báziku ba moris loron-loron. Ida neé mak akontese iha Sidade Dili nuúdar kapital Nasaun. Banco Nacional Comercio Timor Leste (BNCTL) nuúdar fatin úniku garantia ba moris naruk.

Sei dader deit, oras servisu seidauk hahuú, ema barak tenke hamrik ona iha edifisiu  kinur ninia oin maske besi asu sei taka hela tamba, ajente BNCTL seidauk bele loke Portaun nuúdar odamatan boót dollar nian. Maski hein kleur, maibe ida neé mak realidade garantia ba moris naruk.

Edifisiu BNCTL sai sasin ba sidadaun iha Timor Leste nebeé hela iha kapital Dili, tamba nuúdar edifisiu ida nebeé bele fo oferese ba servisu lubun nebeé halaó durante fulan ida nuúdar servido Estado ka sai atan ba Povo. Edifísiu neé mak sasin lolos ba moris, Nia mak bele kura moras ema nian liu husi nesesidade ema ida-idak nian.

Nunka hateten nia kolen, wainhira hein Portaun BNCTL seidauk loke, maski bukae dader kmanek seidauk nakonu iha kabun hanesan oras bainleét. Ema hotu nebeé hamrik iha portaun ka odamata Edifísiu BNCTL nia oin tama ba laran hadau malu, wainhira ajente BNCTL loke odamatan, maibe nafatin hamnasa hamaluk hodi hakat ba laran, forma liña tuir fatin nebeé prepara. Hakat ba laran, mundu modernu haseé kedan ho matan, liu husi TV nebeé loke hela. Ida neé mak bele fo haksolok wainhirak tuúr ka hamriík tuir liña nebeé iha.

Marathona moris iha Mundu nuúdar Ezersisiu ida atu kompleta moris naruk iha mundu. Tamba neé Edifísiu BNCTL nuúdar fatin hakmaán kolen sira nebeé ita iha, hodi hakat nafatin ho moris nebeé iha durante Mundu sei presiza ita nia prezensa.

BNCTL hanesan jardim ba moris, sente ritmu moris iha mundu, tamba ita bele halo buat ida, kontente no haksolok wainhira hakbesik áan ba Jardim iha Obrigado Barrack Caicoli no Mandarin Dili.

Hau labele hakerek tan, tamba hau mos forma ona.

Kmanek wain ba ita hotu.

LEAVE A REPLY