Bispo Basilio: Sétimu Governu tenke garante Povo nia prekupasaun

0
1749

Aka Timor (DILI) – Bispu Dioseze Baucau Dom Basilio do Nascimento konsidera Governu minoritaria sei la garante Programa Governasaun durante Periodu tinan lima mai.

Dom Basilio do Nascimento hatoó asuntu neé, hafoin remata misa ba Padre Isaias Bonifácio SDB iha Igreja São Domingos de Gusmão Berkoli-Venilale Sabadu (17/09/2017).

Tuir Dom Basilio do Nascimento, Setímu Governu Konstituisional simu ona Posse atu halo servisu Governasaun nian hodi responde ba nesesidade povu nian.

Dom Basilio do Nascimento konsidera situasaun neé frazil, maibe Importante mak Partidu nebeé maka kaer ukun tenke iha kapasidade hodi hareé povu nia problema.

Tuir Bispo neé katak, povo nia esperansa mak atu garante kontinuidade iha goveranasaun durante tinan lima, maski iha situasaun difisil nia laran.

Iha parte seluk, Xefi Estado Fransisco Guterres “Lu Olo” Husu Ba Membros Sétimu Governu Konstitusional Atu Servisu Makas hodi servi Povo no Nasaun.

Aliende neé, xefi estado mos louva partisipasaun lideransa Partidu Pólitiku durante prosesu negosiasaun ba formasaun Sétimu Governu Konstitusional. Tanba ho prosesu ne’ebé naruk, konsege hamosu koligasaun entre Fretelin no PD, hodi forma Governu ho Karatér Insidensia Aliansa Parlamentar ba tinan lima.

Xefi Estado Francisco Guterres Lu-Olo fo ona posse ba Primeiro Ministro Sétimu Governu Konstitusional Marí Alkatíri no membru Governu nain 11 iha Palasio Nobre Lahane Dili Sexta-Feira (15/09) foin lalais neé.

Antes neé, sosiedade sivil no Observador Pólitiku sira mos prekupa kona ba Formasaun Sétimu Governu Konstitusional, tamba forma ho Governu Minoritariu nebeé sei la dura toó mandatu remata.

Fontes: Radio Timor Leste RTTL,EP iha Buletim Domingo kalan (17/09) iha Frekuensia 91.07 mhz.

LEAVE A REPLY